5 İyun – Ümumdünya Ətraf Mühitin Mühafizəsi Günüdür.

Şirvan şəhərinin Salyana keçid hissəsində yerləşən “Qanlı dərə” adlanan ərazi tullantılardan təmizlənmişdir.

“Shirvan Operating Company Ltd” Şirkətinin Azərbaycan Respublikasındakı filialı rəhbərin Əməyin mühafizəsi, təhlükəsizlik texnikası üzrə müavini Ənvərli Bəhruzun təşəbbüsü ilə ərazidə aparılan genişmiqyaslı təmizlik işləri nəticəsində yığılıb qalmış məişət və digər növ tullantılar tam şəkildə ərazidən daşınmış, ətraf mühit üçün yaranmış ekoloji və sanitariya riskləri aradan qaldırılmışdır.

Görülən tədbirlər çərçivəsində sahə tam şəkildə təmizlənərək əvvəlki təbii vəziyyətinə yaxınlaşdırılmışdır. Bu işlərin həyata keçirilməsində məqsəd yalnız ərazinin təmizlənməsi deyil, həm də ekoloji mədəniyyətin artırılması, ictimai yerlərdə təmizliyə riayət olunmasının təşviq edilməsi və ətraf mühitin qorunmasına diqqətin daha da gücləndirilməsidir.

“Shirvan Operating Company Ltd” Şirkəti bu əlamətdar gün münasibətilə ətraf mühitin qorunmasının vacibliyini bir daha vurğulayır. Şirkət olaraq biz, fəaliyyətimizdə ətraf mühitin mühafizəsi prinsiplərinə ciddi riayət olunmasını, ekoloji təhlükəsizliyin təmin edilməsini və təbii resurslardan məsuliyyətli istifadəni əsas prioritetlərdən biri hesab edirik.

Gələcək nəsillərin sağlam və təhlükəsiz həyatının təmin olunması, birbaşa olaraq bu gün təbiətə göstərdiyimiz qayğıdan asılıdır. Hər kəsin üzərinə düşən məsuliyyət təbiəti qorumaq, onu çirklənmədən və deqradasiyadan müdafiə etməkdir.

https://www.facebook.com/taleh.mamedov.94651