Ağdaş şəhər 4 nömrəli uşaq bağçasında “Payız möcüzələri” adlı möhtəşəm tədbir keçirilib.
MEHMAN QƏHRƏMANOVA AĞIR İTKİ ÜZ VERİB – ƏMİSİ MİRİD QƏHRƏMANOV VƏFAT EDİB. ALLAH RƏHMƏT ELƏSİN!
Yeni Azərbaycan Partiyası - Dünənin tarixi zərurətindən sabahın güclü Azərbaycanına doğru
KOTANAXR KƏNDİNİN TANINMIŞ SİMASI ƏLİ QARAKİŞİ OĞLUNUN ƏZİZ XATİRƏSİNƏ DƏRİN HÖRMƏTLƏ BAŞSAĞLIĞI
VƏKİLLİK İNSTİTUTU HÜQUQİ DÖVLƏTİN SÜTUNUDUR: PEŞƏ NÜFUZU, ƏDALƏT VƏ İNSAN HÜQUQLARI ETİBARI QORUNMALIDIR!
"YAP-ın yaranması ölkənin siyasi gələcəyinə hesablanmış qərar idi" - DEPUTAT DANIŞDI
İLHAMƏ ABDULLAYEVA – TƏHSİL SAHƏSİNDƏ TOPLADIĞI ZƏNGİN TƏCRÜBƏ, PEŞƏKARLIQ VƏ MƏSULİYYƏTİ İLƏ YENİ MƏRHƏLƏYƏ DOĞRU!
Azərbaycan–Vyetnam münasibətlərində yeni mərhələ: strateji tərəfdaşlığın real iqtisadi nəticələrə çevrilməsi
“Prezidentin Vyetnama səfəri siyasi kursun möhkəmləndirilməsində əlamətdar mərhələdir”
“Ağ pələng”in izi ilə - Prezident İlham Əliyev 43 illik siyasi irsə yeni məzmun qazandırır
4 saylı Magistral avtomobil yollarının istismarı MMC Müşfiq qəsəbəsində yol və infrastruktur problemlərinin həlli istiqamətində mühüm işlər görür
“Kibermühitdə bu günün şifrəli sirr tarixçəsi sabahın açıq kitabıdır” - DTX-nin rəis müavini
Gənclərin İnkişaf və Karyera Mərkəzi tərəfindən regionlarda Müstəqillik Günü münasibətilə tədbirlər təşkil olunub
Xezertv.info xəbər verir ki, Azərbaycan Xalq Cümhuriyyətinin yaranmasının 108-ci ildönümü münasibətilə Gənclərin İnkişaf və Karyera Mərkəzinin 11 regional nümayəndəliyi və 44 bölməsi tərəfindən region gənclərinin iştirakı ilə silsilə tədbirlər həyata keçirilib.
28 May - Müstəqillik Günü ilə əlaqədar təşkil olunan tədbirlər çərçivəsində gənclər müasir müstəqil Azərbaycan dövlətinin qurucusu Ulu Öndər Heydər Əliyevin abidəsini ziyarət edərək önünə gül dəstələri düzüblər.
Müstəqillik Gününə həsr olunmuş tədbirlər çərçivəsində tarixçilərin, ictimaiyyət nümayəndələrinin və gənclərin iştirakı ilə görüşlər keçirilib. Görüşlər zamanı Azərbaycan Xalq Cümhuriyyətinin tariximizdəki rolu, milli dövlətçilik ənənələrinin formalaşması və müstəqilliyimizin əhəmiyyəti barədə fikir mübadiləsi aparılıb.
Eyni zamanda, gənclər üçün Bayraq Muzeyinə ekskursiya təşkil olunub, iştirakçılara Azərbaycan dövlətçilik tarixi və milli rəmzlərimiz haqqında ətraflı məlumat verilib. 1918-ci ildə Azərbaycanın müstəqilliyi uğrunda döyüşərək şəhid olmuş əsgərlərin, eləcə də Quba rayonunun İqrik kəndində dəfn olunmuş türk şəhidlərinin məzarları ziyarət olunaraq onların əziz xatirəsi ehtiramla yad edilib.
Gənclərin dövlətçilik barədə biliklərinin artırılması məqsədilə “Nə? Harada? Nə zaman?” formatında intellektual yarış, həmçinin gənclər arasında “Xəmsə” milli intellektual oyunu təşkil olunub. Bununla yanaşı, 28 May - Müstəqillik Gününə həsr olunmuş filmlər nümayiş etdirilib, həmçinin gənclərin iştirakı ilə konsert proqramı keçirilib.
Qeyd edək ki, təşkil olunan tədbirlərin əsas məqsədi gənclərin müstəqillik tariximiz barədə məlumatlılığının artırılması, onlarda vətənpərvərlik hissinin və milli-mənəvi dəyərlərə bağlılığın möhkəmləndirilməsidir.
































































