Qax RİH-nin başçısı Elvin Paşayev: 17 NOYABR – MİLLİ DİRÇƏLİŞ GÜNÜ, TARİXİ YADDAŞDAN MÜASİR AZƏRBAYCANIN QÜDRƏTİNƏ DOĞRU
Yazı makinasından süni intellektə: Azərbaycanda özəl tibbin və tibbi maarifləndirmənin ilk şahidi – Dr. Davud Qüdrətovun xatirələri
İcbari sığorta müqavilələri üzrə bildirişlər artıq “mygov” vasitəsilə də təqdim olunur
Vətənpərvər iş adamı Eldəniz Zeynalov: 17 NOYABR – MİLLİ DİRÇƏLİŞ GÜNÜ: XALQIN TARİXƏ YAZDIĞI AZADLIQ SALNAMƏSİ!
Biznes xərclərindən də millər qazandıran “ABB AZAL Miles Business” kartları təqdim olundu
Lənkəran ŞİH başçısı Taleh Qaraşov: MİLLİ DİRÇƏLİŞ GÜNÜ – AZƏRBAYCANIN MÜSTƏQİLLİK YOLUNDA MİLLİ İRADƏNİN VƏ TARİXİ QƏTİYYƏTİN TƏNTƏNƏSİ
Gələcəyin şəhərlərinə gənclərdən innovativ baxış: “İnsanyönümlü şəhərlər” hakatonu başa çatıb
Azərbaycan Avropanın yaşıl enerji gələcəyinin etibarlı tərəfdaşlarından biri olacaq
SƏFƏRALİYEV QANBOY ƏHMƏDALI OĞLU – LAÇININ ALXASLI KƏNDİNİN VƏTƏN NAMİNƏ ŞƏHİDLİK ZİRVƏSİNƏ UCALAN İGİD OĞLU!
Əsabil Qasımov 5 milyonluq əmlakı ələ keçirib, indi də sahibini və mətbuatı susdurmağa çalışır
“AS Group” WUF13-də
Şəhərlərin gələcəyi, inklüziv cəmiyyətlərin qurulması, iqlim dəyişiklikləri və sosial davamlılıq kimi mühüm mövzular ətrafında dünyanın müxtəlif ölkələrindən minlərlə nümayəndəni bir araya gətirən WUF13 tədbirində “AS Group” da iştirak edib.
“Qafqazinfo” xəbər verir ki, “Hər kəs üçün yaşayış yerləri: təhlükəsiz və dayanıqlı şəhərlər və yaşayış məskənləri” mövzusuna həsr olunan WUF13 çərçivəsində “AS Group” qlobal mənzil çağırışlarına öz layihələri və yanaşmaları ilə qoşulub.
Şirkətlər Qrupu forum çərçivəsində həm sərgidə iştirak edir, həm də keçirilən konfranslarda dayanıqlı inkişaf istiqamətində həyata keçirdiyi layihələri təqdim edir, müasir şəhər mühitinin formalaşdırılması ilə bağlı yanaşmalarını bölüşür və beynəlxalq tərəfdaşlarla əməkdaşlıq imkanlarını müzakirə edib.
“AS Group” sərgidə iki hissəli stendlə təmsil olunub. Stendin bir hissəsində şirkətlər qrupunun sosial, digər hissəsində isə kommersiya layihələri təqdim edilib.
Azərbaycan Prezidenti İlham Əliyevin təməlini qoyduğu Zəngilan rayonunun Ağalı kəndində salınan “Ağıllı kənd” layihəsi sərgi iştirakçılarının xüsusilə diqqətini çəkib. Ziyarətçilərə məlumat verilib ki, “Ağıllı kənd” konsepsiyadan başlayaraq layihələndirmə, tikinti və tam təhvil verilmə mərhələsinədək “AS Group” şirkətlər qrupuna daxil olan “AS İnşaat” MMC tərəfindən həyata keçirilib.
“Ağıllı kənd” dayanıqlı inkişafın təmin olunması, sosial-iqtisadi xidmətlərin keyfiyyətinin, təhlükəsizliyinin və səmərəliliyinin artırılması, informasiya texnologiyaları və innovativ həllərin tətbiqi, eləcə də mövcud resursların effektiv istifadəsi və idarə olunması üçün zəruri infrastruktura malik yaşayış məskənidir.
Sərgidə həmçinin Ağalı kəndinin alternativ enerji ilə təmin olunması məqsədilə quraşdırılan “Arximed” qurğusu da ağıllı həll nümunəsi kimi təqdim olunub.
Bundan əlavə, “AS Group” Füzuli rayonunda layihələndirdiyi Dövlətyarlı kəndi layihəsini, həmçinin “AS İstehsal Qarabağ” MMC-nin Ağdam Sənaye Parkında yerləşən Xırdaqəlibli Beton Məmulatları Zavodunda istehsal edilən beton məmulatlarını sərgiləyib.
Şirkətlər Qrupunun kommersiya layihələri sırasında isə Qazaxıstanın “BI Group” şirkəti ilə birgə Bakı şəhərində inşa edilən “4You Baku” yaşayış kompleksi təqdim olunub.
WUF 13 (World Urban Forum) çərçivəsində “Şəhər Dəyər Zəncirinin Tətbiqi: Azərbaycanda Ağıllı və Dayanıqlı Şəhər Layihələrinin Həyata Keçirilməsi” mövzusunda sessiya keçirilib.
Tədbirdə “AS Group”un nümayəndəsi Mirzə Abdullayev təqdimatla iştirak edərək şirkətin həyata keçirdiyi “River City” layihəsi haqqında geniş məlumat təqdim edib. Təqdimat zamanı layihə çərçivəsində tətbiq edilən innovativ həllər, dayanıqlı şəhərsalma yanaşmaları və şəhər mühitinin inkişafına verilən töhfələr barədə ətraflı məlumat iştirakçıların diqqətinə çatdırılıb. Eyni zamanda, müasir texnologiyaların və ekoloji yanaşmaların şəhər inkişaf prosesindəki əhəmiyyəti xüsusi vurğulanıb.
Qeyd edək ki, “AS Group” 2003-cü ildən etibarən dövlət və özəl sektor üçün kompleks layihələrin icrasında öncül rol oynayır. Şirkət tikinti, daşınmaz əmlak, kənd təsərrüfatı, sənaye, nəqliyyat-logistika, bərpa olunan enerji və “HoReCa” sahələrində uğurla fəaliyyət göstərir. “AS Group” eyni zamanda beynəlxalq layihələr vasitəsilə ölkəyə xarici investisiyaların cəlb olunmasına da mühüm töhfələr verir.



























































