Atəşkəsdən sonra Yaxın Şərqdəki vəziyyət açıqlandı

ABŞ Prezidenti Donald Trampın ABŞ-nin İranla iki həftəlik atəşkəsə razılıq verdiyini açıqlamasından sonra çərşənbə günü səhər saatlarında Körfəz ölkələri və İsraildə raket və dron hücumları qeydə alınıb.

“Qafqazinfo”nun məlumatına görə, hərbi mənbələr bildirir ki, Küveyt və Birləşmiş Ərəb Əmirlikləri hərbi qüvvələri gələn raket və dron təhdidlərinin qarşısını almaq üçün fəaliyyət göstərir.

Əbu-Dabi hakimiyyəti “Habşan” qaz emalı müəssisəsində baş verən yanğına reaksiya verib.

Qətər Müdafiə Nazirliyi raket hücumunun qarşısını uğurla aldığını açıqlayıb.

Bəhreyn Daxili İşlər Nazirliyi sirenlərin səsləndiyini və sakinləri təhlükəsiz yerlərə getməyə təşviq etdiyini bildirib.

Səudiyyə Ərəbistanı Mülki Müdafiəsi Əl-Xərc mərkəzi qubernatorluğunda potensial təhlükəyə dair erkən xəbərdarlıq yayıb.

İsrail ordusu İrandan atılan bir neçə raketi aşkarlayıb və təhlükənin qarşısını almaq üçün tədbirlər görür.

Qeyd edək ki, Tramp atəşkəs elan etsə də, onun rəsmi qüvvəyə minmə vaxtı açıqlanmayıb. İranın dövlət televiziyası saat İranın Ali Lideri Müctəba Xameneinin bütün hərbi birliklərə atəşi dayandırmaq əmri verdiyini xəbər verib.

Bildirilir ki, İranın müharibə strategiyası mərkəzləşdirilməyib, regional hərbi komandirlər əvvəlcədən müəyyən edilmiş hədəf siyahısından kənarda müəyyən səviyyədə muxtariyyətlə fəaliyyət göstərirlər. Bu səbəbdən əmrin bütün hərbi hissələrə çatması bir qədər vaxt tələb edə bilər.