Tramp İranı hədələdi - “Görünməmiş nəticələr olacaq”

ABŞ Prezidenti Donald Tramp İranı Hörmüz boğazında minaların atılmasına görə görünməmiş nəticələrlə hədələyib.

“Qafqazinfo” xəbər verir ki, o bu barədə sosial media hesabında xəbərdarlıq edib.

“Əgər İran Hörmüz boğazında hər hansı bir mina yerləşdiribsə, biz onların dərhal yığışdırılmasını tələb edirik. Əgər hər hansı bir səbəbdən minalar yerləşdirilibsə və onlar dərhal yığışdırılmayıbsa, İran üçün görünməmiş hərbi nəticələr olacaq”, - deyə o yazıb.

Tramp bildirib ki, əgər İran boğazda yerləşdirilən minaları yığışdırarsa, bu, düzgün istiqamətdə nəhəng bir addım olacaq.