Ağdaş şəhər 4 nömrəli uşaq bağçasında “Payız möcüzələri” adlı möhtəşəm tədbir keçirilib.
MEHMAN QƏHRƏMANOVA AĞIR İTKİ ÜZ VERİB – ƏMİSİ MİRİD QƏHRƏMANOV VƏFAT EDİB. ALLAH RƏHMƏT ELƏSİN!
Yeni Azərbaycan Partiyası - Dünənin tarixi zərurətindən sabahın güclü Azərbaycanına doğru
KOTANAXR KƏNDİNİN TANINMIŞ SİMASI ƏLİ QARAKİŞİ OĞLUNUN ƏZİZ XATİRƏSİNƏ DƏRİN HÖRMƏTLƏ BAŞSAĞLIĞI
VƏKİLLİK İNSTİTUTU HÜQUQİ DÖVLƏTİN SÜTUNUDUR: PEŞƏ NÜFUZU, ƏDALƏT VƏ İNSAN HÜQUQLARI ETİBARI QORUNMALIDIR!
"YAP-ın yaranması ölkənin siyasi gələcəyinə hesablanmış qərar idi" - DEPUTAT DANIŞDI
İLHAMƏ ABDULLAYEVA – TƏHSİL SAHƏSİNDƏ TOPLADIĞI ZƏNGİN TƏCRÜBƏ, PEŞƏKARLIQ VƏ MƏSULİYYƏTİ İLƏ YENİ MƏRHƏLƏYƏ DOĞRU!
Azərbaycan–Vyetnam münasibətlərində yeni mərhələ: strateji tərəfdaşlığın real iqtisadi nəticələrə çevrilməsi
“Prezidentin Vyetnama səfəri siyasi kursun möhkəmləndirilməsində əlamətdar mərhələdir”
“Ağ pələng”in izi ilə - Prezident İlham Əliyev 43 illik siyasi irsə yeni məzmun qazandırır
4 saylı Magistral avtomobil yollarının istismarı MMC Müşfiq qəsəbəsində yol və infrastruktur problemlərinin həlli istiqamətində mühüm işlər görür
“Kibermühitdə bu günün şifrəli sirr tarixçəsi sabahın açıq kitabıdır” - DTX-nin rəis müavini
“Rəqəmsal sahədə qadın liderliyi və peşəkar inkişaf” mövzusunda panel müzakirəsi keçirilib
Gənclərin İnkişaf və Karyera Mərkəzinin təşkilatçılığı, Azərbaycan Respublikasının Gənclər Fondunun, “IDTech Academy” və Lütfizadə Texnologiya Mərkəzinin tərəfdaşlığı ilə 8 Mart - Beynəlxalq Qadınlar Gününə həsr olunmuş panel müzakirəsi keçirilib.
“Rəqəmsal sahədə qadın liderliyi və peşəkar inkişaf” mövzusuna həsr olunan panel müzakirəsinin əsas məqsədi qadınların liderlik potensialının inkişafına dəstək olmaq, gənc qızların texnologiya sahəsinə marağını artırmaq və bu istiqamətdə mövcud imkanları təqdim etmək olub.
Tədbirin açılışında Gənclərin İnkişaf və Karyera Mərkəzinin Layihələrin və Proqramların İdarəedilməsi şöbəsinin müdiri Jalə Həsənova, Azərbaycan Kibertəhlükəsizlik Təşkilatları Assosiasiyasının Baş katibi Fidan Əhmədova və DOST Rəqəmsal İnnovasiyalar Mərkəzinin Məlumat idarəçiliyi və süni intellekt departamentinin müdir müavini Aysel Hüseynova çıxış edərək rəqəmsal transformasiya dövründə qadınların rolu, texnologiya sahəsində karyera imkanları və bu istiqamətdə dövlət tərəfindən yaradılan imkanlar barədə məlumat veriblər.
Panel müzakirəsində Prezident mükafatçısı və “Metatesk” şirkətinin təsisçisi Günay İmanzadə, "IDschool"un rəhbəri və "DigiSmart" məhsul sahibi Günel Xosrovlu, "MegaSec" MMC-nin İcraçı direktoru və "SheRise - Qadınlara dəstək" sosial layihəsinin rəhbəri Ayan Etibar, həmçinin "İKTEX" məhsul sahibi və “IDTech Academy”də İT biznes analitik Zalxa Quluzadə spiker qismində çıxış ediblər.
“IDTech Academy”nin Layihələr və tədbirlər koordinatoru Aydan Tarverdiyevanın moderatorluğu ilə keçirilən müzakirədə spikerlər texnologiya sahəsində qadınların rolu, gənc qızlar üçün İT sahəsində mövcud perspektivlər, rəqəmsal məhsul sahibliyinin yaratdığı imkanlar və rəqəmsal liderliyin formalaşmasında vacib bacarıqlar barədə təcrübələrini iştirakçılarla bölüşüblər.
Panel müzakirəsi çərçivəsində gənclərin texnoloji sahədə inkişaf imkanları, rəqəmsal bacarıqların formalaşdırılması və qadınların innovasiya ekosistemində daha fəal iştirakının əhəmiyyəti ətrafında fikir mübadiləsi aparılıb.
Sonda keçirilən sual-cavab sessiyasında iştirakçıların mövzu ilə bağlı sualları cavablandırılıb, gənclərin fikir və təklifləri dinlənilib.
Qeyd edək ki, bu kimi təşəbbüslər gənclərin texnologiya sahəsinə yönləndirilməsinə və onların peşəkar inkişafına mühüm töhfə verir.























































