İran bu ölkədəki ABŞ bazasını hədəf aldı

İranın atdığı ballistik raket bu gün ABŞ-nin Əl-Udeyddəki hərbi bazasına düşüb.

“Qafqazinfo” xəbər verir ki, bu barədə Qətər Müdafiə Nazirliyi məlumat yayıb.

Bildirilir ki, Tehran ABŞ-İsrail hücumlarına cavab olaraq Körfəzdəki hədəflərə zərbələr endirib.

Rəsmi məlumata əsasən, Qətər ərazisi iki raketlə hədəfə alınıb:

“Hava hücumundan müdafiə sistemləri raketlərdən birini uğurla ələ keçirib, ikinci raket isə heç bir itki vermədən Əl-Udeyddəki Qətər bazasına düşüb”.

Hadisə ilə bağlı əlavə araşdırmaların aparıldığı bildirilir.