ABŞ ordusu Sakit okeanda üzən gəmini vurdu - İki nəfər öldürüldü

ABŞ ordusunun Sakit okeanın şərqində narkotik qaçaqmalçılarına məxsus olduğu iddia edilən bir gəmiyə hücumu nəticəsində iki nəfər ölüb.

Oxu.Az xəbər verir ki, bu barədə ABŞ ordusunun Cənub Komandanlığı açıqlama yayıb.

Məlumata görə, gəmi Birləşmiş Ştatlarda terrorçu kimi tanınan təşkilatlar tərəfindən idarə olunub.

Xəbərdə bildirilir ki, hücum əməliyyatı zamanı iki nəfər həlak olub, bir nəfər sağ qalıb.

CNN xəbər yayıb ki, Ağ Ev hələ də ölənlərin narkotik qaçaqmalçılığı ilə əlaqəli olmasını sübut edən dəlilləri ictimaiyyətə açıqlamayıb.