S.C.Pişəvəri adına Respublika Humanitar Fənlər Gimnaziyasının direktoru İlqar Talıbovdan Azərbaycan gənclərinə səmimi rəbrik: Gəncliyə inam, gələcəyə ümid.

2 Fevral – Azərbaycan Gəncləri Günü münasibətilə Pişəvəri adına Respublika Humanitar Fənlər Gimnaziyasının direktoru İlqar Talıbov ölkəmizin gənclərini ürəkdən təbrik edərək, onlara xoş arzularını çatdırıb. Bu əlamətdar gün Azərbaycan gəncliyinin cəmiyyətimizdəki rolunu, onların intellektual potensialını və dövlətin gələcəyindəki həlledici mövqeyini bir daha ön plana çıxarır. İlqar Talıbovun təbriki gənclərə olan dərin inamın, təhsilə və maarifçiliyə verilən yüksək dəyərin bariz ifadəsidir.

Azərbaycan gəncliyi tarix boyu milli-mənəvi dəyərlərə sadiqliyi, elmə, biliyə və vətənə bağlılığı ilə seçilib. Müasir dövrdə isə gənclərimiz yalnız ölkə daxilində deyil, beynəlxalq elm, mədəniyyət və intellektual platformalarda da Azərbaycanı layiqincə təmsil edirlər. İlqar Talıbov öz müraciətində qeyd edib ki, gənclərin uğuru müəllimin zəhməti, ailənin qayğısı və dövlətin məqsədyönlü siyasətinin vəhdətidir. Bu vəhdət cəmiyyətin davamlı inkişafının əsasını təşkil edir.

Pişəvəri adına Respublika Humanitar Fənlər Gimnaziyası ölkəmizdə humanitar təhsilin inkişafında xüsusi yer tutan təhsil ocaqlarından biridir. Gimnaziyada şagirdlərin dünyagörüşünün genişlənməsi, analitik düşüncə qabiliyyətinin formalaşdırılması, tarixə, ədəbiyyata, fəlsəfəyə və milli kimliyə dərin bağlılıq ruhunda yetişməsi əsas prioritetlərdəndir. İlqar Talıbov bildirib ki, bu gün gimnaziyanın yetirmələri gənclər günü qeyd edilən Azərbaycan gəncliyinin parlaq nümayəndələridir və onların əldə etdiyi nailiyyətlər gələcəyə olan ümidləri daha da artırır.

Direktor İlqar Talıbov vurğulayıb ki, Azərbaycan gənclər siyasətinin əsası Ulu Öndər Heydər Əliyev tərəfindən qoyulub. Məhz Ulu Öndərin uzaqgörən siyasəti nəticəsində gənclər dövlət quruculuğunda fəal iştirak edən güclü sosial təbəqəyə çevrilib. Bu siyasət bu gün Prezident cənab İlham Əliyev tərəfindən uğurla davam etdirilir. Dövlət başçısının rəhbərliyi altında gənclərin təhsil, məşğulluq, sosial rifah və beynəlxalq inteqrasiya imkanları əhəmiyyətli dərəcədə genişlənib. İlqar Talıbov qeyd edib ki, gənclərə göstərilən bu diqqət onların məsuliyyətini daha da artırır.

Birinci vitse-prezident Mehriban xanım Əliyevanın təhsilə, xüsusilə də gənc nəslin mənəvi və intellektual inkişafına verdiyi töhfələr də İlqar Talıbov tərəfindən yüksək qiymətləndirilib. Mehriban xanım Əliyevanın təşəbbüsü ilə həyata keçirilən layihələr gənclərin sağlam, savadlı və vətənpərvər ruhda formalaşmasına xidmət edir. Bu fəaliyyət müəllimlər və təhsil müəssisələri üçün də böyük mənəvi dayaqdır.

İlqar Talıbov çıxışında Vətən müharibəsində Azərbaycan gənclərinin göstərdiyi şücaəti xüsusi vurğulayıb. O qeyd edib ki, gənclərimiz döyüş meydanında göstərdikləri qəhrəmanlıqla yanaşı, arxa cəbhədə də birlik, həmrəylik və yüksək vətəndaş məsuliyyəti nümayiş etdirdilər. Bu, gənclərin təkcə bilikli deyil, həm də mənəvi cəhətdən güclü olduqlarının göstəricisidir.

Sonda Pişəvəri adına Respublika Humanitar Fənlər Gimnaziyasının direktoru İlqar Talıbov bütün Azərbaycan gənclərinə sağlamlıq, uğur, əzm və daim yüksələn bilik yolu arzulayıb. O, gəncləri milli dəyərlərə sadiq qalmağa, elmin gücünə inanmağa və Vətənə layiqli xidmət etməyə çağırıb. İlqar Talıbovun bu səmimi təbriki bir daha təsdiqləyir ki, Azərbaycan gəncliyi güclü təhsil, sağlam ideya və möhkəm dövlətçilik ruhu üzərində formalaşır.

2 Fevral – Azərbaycan Gəncləri Günü münasibətilə bütün gənclərimizi ürəkdən təbrik edirik!

Hazırladı: Fərid Faiqoğlu