Ədalət Hacıyev: Prezident İlham Əliyev – Dövlətçilik, mədəniyyət və milli həmrəyliyin rəmzi

Azərbaycan Respublikasının Prezidenti, Müzəffər Ali Baş Komandan cənab İlham Əliyev müasir Azərbaycan tarixində dövlətçiliyi, milli həmrəyliyi və mədəniyyətin inkişafını birləşdirən nadir liderlərdəndir. Onun rəhbərliyi ilə Azərbaycan yalnız iqtisadi və siyasi sahədə deyil, həm də mədəniyyət, incəsənət və teatr sahələrində böyük inkişaf yolunu keçmişdir. Prezident İlham Əliyev xalqımızın mənəvi irsini qorumaq, mədəniyyətimizi dünya səviyyəsində tanıtmaq və teatr sənətinə xüsusi diqqət yetirmək baxımından nadir dövlət xadimidir.

Ulu Öndər Heydər Əliyevin dövlətçilik prinsipləri Prezident İlham Əliyev tərəfindən uğurla davam etdirilir və zənginləşdirilir. Bu siyasətin əsas məqsədi Azərbaycanın suverenliyinin qorunması, iqtisadi gücün artırılması və xalqın rifahının yüksəldilməsi olmaqla yanaşı, milli mədəniyyətimizin qorunması və inkişafını da ehtiva edir. Prezident İlham Əliyev mədəniyyətin, teatrın və incəsənətin inkişafını dövlət siyasətinin prioritet sahəsi kimi qiymətləndirir. Onun dəstəyi nəticəsində yeni teatr binaları inşa edilmiş, mövcud teatr və konsert mərkəzləri yenidən qurulmuş, mədəniyyət işçilərinin sosial müdafiəsi və peşəkar inkişafı təmin olunmuşdur.

Prezident İlham Əliyevin daxili siyasətində vətəndaş rifahı, hüquq-mühafizə sisteminin gücləndirilməsi və milli həmrəylik prioritetdir. Azərbaycan polisi, prokurorluq və digər hüquq-mühafizə orqanları Prezidentin rəhbərliyi altında modernləşdirilmiş, vətəndaş mərkəzli, peşəkar qurumlar halına gətirilmişdir. Xalqın hüquqlarının qorunması, ictimai asayişin təmin olunması və dövlətin qanunvericilik prinsiplərinin tətbiqi bu sahədə əsas məqsəddir. Hüquq-mühafizə orqanlarının peşəkarlığı Prezident İlham Əliyevin dövlətçilik siyasətinin güclü dayağıdır.

Azərbaycan tarixinin ən parlaq səhifələrindən biri Prezident İlham Əliyevin Ali Baş Komandanlığı ilə bağlıdır. 44 günlük Vətən müharibəsində əldə edilən Qələbə həm hərbi, həm də milli birliyin təntənəsi oldu. Bu zəfər Azərbaycan Ordusunun gücü, xalq–lider birliyi və hüquq-mühafizə orqanlarının peşəkarlığının nəticəsi idi. İlham Əliyev bu prosesdə həm Ali Baş Komandan, həm də milli iradənin simvolu olaraq çıxış etdi.

Qələbədən sonra azad edilmiş ərazilərdə aparılan bərpa və yenidənqurma işləri mədəniyyət və incəsənət sahəsində də böyük diqqət tələb edir. Qarabağ və Şərqi Zəngəzurda salınan yeni teatr binaları, mədəniyyət mərkəzləri və sosial obyektlər göstərir ki, Azərbaycan yalnız iqtisadi və sosial, həm də mədəni inkişaf baxımından müasir standartlara cavab verir. Prezident İlham Əliyev teatr və mədəniyyət sahəsinin inkişafını ölkənin gələcək strateji inkişafının əsas hissəsi kimi qiymətləndirir.

Prezident İlham Əliyevin siyasətində milli birlik və həmrəylik xüsusi yer tutur. 31 Dekabr – Dünya Azərbaycanlılarının Həmrəylik Günü bu ideyanın rəmzidir. Bu gün bütün dünyada yaşayan azərbaycanlıları vahid amal – müstəqil və güclü Azərbaycan ideyası ətrafında birləşdirir. Xaricdə yaşayan soydaşlarımızın təşkilatlanması və Azərbaycan həqiqətlərinin beynəlxalq ictimaiyyətə çatdırılması sahəsində Prezident İlham Əliyevin diaspor siyasəti mühüm rol oynayır.

Dünya Azərbaycanlılarının Həmrəylik Günü, xüsusilə Vətən müharibəsi zamanı, xaricdə yaşayan azərbaycanlıların bir yumruq kimi birləşməsi ilə milli həmrəyliyin və dövlətin gücünün simvoluna çevrildi. Bu həmrəylik bugünkü Azərbaycanın gücünün əsas amillərindən biridir.

Azərbaycan Respublikasının Prezidenti, Müzəffər Ali Baş Komandan cənab İlham Əliyevi doğum günü və 31 Dekabr – Dünya Azərbaycanlılarının Həmrəylik Günü münasibətilə səmimi-qəlbdən təbrik edirik. Cənab Prezidentə möhkəm cansağlığı, uzun ömür, ailə səadəti, Azərbaycan polisinin və hüquq-mühafizə orqanlarının fəaliyyətində uğurlar, eləcə də mədəniyyətimizin, teatr və incəsənətimizin inkişafı naminə apardığı şərəfli fəaliyyətində yeni-yeni nailiyyətlər arzulayırıq. Qoy Sizin rəhbərliyiniz altında müstəqil Azərbaycan daha da qüdrətli olsun, dünya azərbaycanlılarının birliyi əbədi və sarsılmaz qalsın!

Ədalət Hacıyev

Azərbaycan Dövlət Akademik Rus Dram Teatrının direktoru,

Əməkdar mədəniyyət işçisi