Hüququn aliliyinə və vətəndaş məmnunluğuna söykənən nümunəvi dövlət idarəçiliyi: Prezident Administrasiyasına dərin təşəkkür

Arhd.az saytının rəhbəri, hüquq eksperti, hüquq üzrə fəlsəfə doktoru İsmail Zalov tərəfindən Azərbaycan Respublikasının Prezident Administrasiyasına dərin minnətdarlıq və təşəkkür ifadə olunur.

Azərbaycan Respublikasında həyata keçirilən dövlət idarəçiliyi islahatları, vətəndaş məmnunluğuna əsaslanan xidmət modeli və hüquqi dövlət prinsiplərinə sadiqlik Prezident Administrasiyasının fəaliyyətində öz bariz əksini tapır. Prezident Administrasiyası tərəfindən vətəndaşların müraciətlərinə operativ, obyektiv və yüksək peşəkarlıqla yanaşılması dövlət-vətəndaş münasibətlərinin möhkəmlənməsinə mühüm töhfə verir.

Xüsusilə qeyd olunmalıdır ki, Prezident Administrasiyasının strukturları tərəfindən təqdim olunan xidmətlərin çevikliyi, şəffaflığı, hüquqi əsaslara söykənməsi və etik normalara uyğunluğu müasir dövlət idarəçiliyinin ən yüksək standartlarına cavab verir. Vətəndaşların problemlərinin dinlənilməsi, onların müraciətlərinə həssas yanaşılması və qanunvericiliyə uyğun şəkildə həll edilməsi dövlətin humanist mahiyyətini və hüquqi dövlət konsepsiyasına sadiqliyini bir daha nümayiş etdirir.

Bu gün etiraf etməliyik ki, dünyanın bir çox inkişaf etmiş ölkələrində belə, dövlət orqanları tərəfindən bu səviyyədə rahat, əlçatan və peşəkar xidmət mexanizmi mövcud deyil. Prezident Administrasiyasının fəaliyyəti yalnız regionda deyil, beynəlxalq miqyasda da nümunə göstərilə biləcək səviyyədədir. Burada formalaşmış idarəetmə mədəniyyəti, yüksək ixtisaslı kadr potensialı və məsuliyyətli yanaşma dövlətin gücünü və xalqına olan diqqətini açıq şəkildə ifadə edir.

Arhd.az saytının rəhbəri və hüquq üzrə fəlsəfə doktoru kimi, hüquqi sahədə uzunillik təcrübəyə əsaslanaraq əminliklə qeyd edirəm ki, Prezident Administrasiyasının fəaliyyətində hüququn aliliyi prinsipi əsas meyar kimi qəbul olunur. Bu isə vətəndaş cəmiyyətinin inkişafına, ədalətin təmin olunmasına və hüquqi sabitliyin möhkəmləndirilməsinə mühüm zəmin yaradır.

Sonda bir daha Azərbaycan Respublikasının Prezident Administrasiyasına göstərilən diqqətə, səmərəli fəaliyyətə, vətəndaşlara yönəlmiş nümunəvi xidmətə görə dərin təşəkkürümü bildirir, bu məsuliyyətli və şərəfli fəaliyyətlərində uğurlar arzulayıram.