Ağdaş şəhər 4 nömrəli uşaq bağçasında “Payız möcüzələri” adlı möhtəşəm tədbir keçirilib.
MEHMAN QƏHRƏMANOVA AĞIR İTKİ ÜZ VERİB – ƏMİSİ MİRİD QƏHRƏMANOV VƏFAT EDİB. ALLAH RƏHMƏT ELƏSİN!
Yeni Azərbaycan Partiyası - Dünənin tarixi zərurətindən sabahın güclü Azərbaycanına doğru
KOTANAXR KƏNDİNİN TANINMIŞ SİMASI ƏLİ QARAKİŞİ OĞLUNUN ƏZİZ XATİRƏSİNƏ DƏRİN HÖRMƏTLƏ BAŞSAĞLIĞI
VƏKİLLİK İNSTİTUTU HÜQUQİ DÖVLƏTİN SÜTUNUDUR: PEŞƏ NÜFUZU, ƏDALƏT VƏ İNSAN HÜQUQLARI ETİBARI QORUNMALIDIR!
"YAP-ın yaranması ölkənin siyasi gələcəyinə hesablanmış qərar idi" - DEPUTAT DANIŞDI
İLHAMƏ ABDULLAYEVA – TƏHSİL SAHƏSİNDƏ TOPLADIĞI ZƏNGİN TƏCRÜBƏ, PEŞƏKARLIQ VƏ MƏSULİYYƏTİ İLƏ YENİ MƏRHƏLƏYƏ DOĞRU!
Azərbaycan–Vyetnam münasibətlərində yeni mərhələ: strateji tərəfdaşlığın real iqtisadi nəticələrə çevrilməsi
“Prezidentin Vyetnama səfəri siyasi kursun möhkəmləndirilməsində əlamətdar mərhələdir”
“Ağ pələng”in izi ilə - Prezident İlham Əliyev 43 illik siyasi irsə yeni məzmun qazandırır
4 saylı Magistral avtomobil yollarının istismarı MMC Müşfiq qəsəbəsində yol və infrastruktur problemlərinin həlli istiqamətində mühüm işlər görür
“Kibermühitdə bu günün şifrəli sirr tarixçəsi sabahın açıq kitabıdır” - DTX-nin rəis müavini
İsmayıl Zalov: “Cinayət törətmiş şəxslər Azərbaycan dövlətinə təhvil verilməlidir”
06 noyabr 2025-ci il, Strasburq (Fransa) – Avropa İnsan Haqları Məhkəməsində çıxış edən ARHD.AZ saytının rəhbəri, beynəlxalq hüquq eksperti, hüquq üzrə fəlsəfə doktoru İsmayıl Zalov Azərbaycanın milli maraqlarını və hüquqi mövqeyini qətiyyətlə müdafiə edib. O, çıxışı zamanı Avropada gizlənən və barələrində cinayət işi açılmış şəxslərin Azərbaycan dövlətinə təhvil verilməsinin zəruriliyini xüsusi vurğulayıb.
“Cinayət törətmiş şəxslər məsuliyyətdən gizlənə bilməzlər”
Beynəlxalq ictimaiyyətə müraciət edən İsmayıl Zalov qeyd edib ki, Tural Sadıqlı, Elşad Məmmədov, Qabil Məmmədov, Manaf Cəlilzadə və Məhəmməd Mirzəli kimi şəxslər Azərbaycan qanunvericiliyinə əsasən cinayət məsuliyyətinə cəlb olunublar. Onların barəsində Azərbaycan Respublikasının Baş Prokurorluğu tərəfindən qaldırılmış cinayət işləri üzrə qiyabi məhkəmə qərarları mövcuddur.
“Çox təəssüf ki, bu şəxslər bu günədək Azərbaycana təhvil verilməyiblər. Halbuki onların yaşadıqları yerlər, ünvanları və fəaliyyət istiqamətləri beynəlxalq hüquq-mühafizə orqanlarına bəllidir. Mən ümid edirəm ki, Interpol bu şəxslərin yerini müəyyən edib, onları qısa müddətdə Azərbaycan dövlətinə təhvil verəcək,” – deyə İsmayıl Zalov çıxışı zamanı bildirib.
“Onlar nə jurnalist, nə siyasətçi, nə də media nümayəndəsidirlər”
Avropada bəzi dairələrin bu şəxslərə siyasi və ictimai “himayə” göstərməsini təəssüflə qarşılayan hüquq eksperti vurğulayıb ki, onlar nə jurnalist, nə siyasətçi, nə də mətbuat nümayəndəsidirlər.
“Bu şəxslər sosial şəbəkələrdə özlərini guya jurnalist, bloger və ya siyasi fəal kimi təqdim edirlər. Amma əslində, onlar cəmiyyət üçün təhlükə yaradan, dövlət əleyhinə fəaliyyət göstərən şəxslərdir. Avropada da onları heç kim ciddi media nümayəndəsi kimi qəbul etmir, sadəcə, sosial şəbəkə istifadəçiləri kimi tanıyırlar,” – deyə Zalov qeyd edib.
“Azərbaycan vətəndaşı olmaq dövlətə sədaqət borcudur”
Çıxışının sonunda İsmayıl Zalov Azərbaycan vətəndaşlarına müraciət edərək, dövlətin maraqlarını qorumağın və milli birliyi möhkəmləndirməyin vacibliyini vurğulayıb:
Əgər biz Azərbaycan Respublikasının vətəndaşlarıyıqsa, biz, dövlətimizi müdafiə etməyə borcluyuq. Azərbaycan dövlətini qorumaq hər bir vətəndaşın mənəvi və hüquqi borcudur. Belə insanlar – yəni dövlətə qarşı fəaliyyət göstərənlər – sadəcə bir virus kimidirlər. Onların yeganə ‘müalicə’si qanun qarşısında cavab verməkdir.
“Azərbaycan ədalət və qanunçuluq prinsiplərinə sadiqdir”
Sonda hüquq eksperti vurğulayıb ki, Azərbaycan dövləti ədalət, qanunçuluq və dövlətçilik prinsiplərini hər zaman əsas götürür və bu prinsiplər heç vaxt şəxsi maraqlara qurban verilməyəcək:
Azərbaycan dövləti öz hüquqlarını beynəlxalq səviyyədə ardıcıl şəkildə müdafiə edəcək. Bizim mövqeyimiz ədalətə, qanunçuluğa və dövlətin suverenliyinə əsaslanır. Heç bir təzyiq və ya siyasi təsir bu prinsipləri dəyişdirə bilməz.
Bu çıxış, Azərbaycanın beynəlxalq aləmdə hüquqi mövqeyinin qorunması və ədalətin bərpası uğrunda aparılan mübarizədə mühüm addım kimi qiymətləndirilir.
İsmayıl Zalovun qətiyyətli çıxışı bir daha göstərdi ki, Azərbaycan dövləti qanunların aliliyinə, milli maraqlara və vətəndaş məsuliyyətinə sadiqdir.
ARHD.az























































