Azərbaycan diplomatiyasının siması Hikmət Hacıyevin doğum günün təbrik edirik!

15 oktyabr Azərbaycan dövlət idarəçiliyində, xüsusilə də diplomatiya sahəsində mühüm xidmətləri ilə seçilən bir şəxsiyyətin – Azərbaycan Respublikası Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyevin doğum günüdür. Bu münasibətlə ARHD.az saytının rəhbəri, Beynəlxalq Hüquq Eksperti, hüquq üzrə fəlsəfə doktoru İsmayıl Zalov və redaksiyanın əməkdaşları Hikmət Hacıyevi səmimi qəlbdən təbrik edir, ona möhkəm can sağlığı, fəaliyyətində uğurlar və dövlətimizin inkişafı naminə yeni nailiyyətlər arzulayırlar.

Hikmət Hacıyev uzun illərdir ki, Azərbaycan dövlətinin xarici siyasət sahəsində parlaq fəaliyyəti ilə tanınır. Onun fəaliyyəti, ilk növbədə, Prezident İlham Əliyevin rəhbərliyi altında Azərbaycanın beynəlxalq aləmdə nüfuzunun artmasına, milli maraqların qətiyyətlə müdafiə olunmasına xidmət edir. Hacıyev dövlət başçısının xarici siyasət kursunun mahiyyətini, Azərbaycanın ədalətli mövqeyini dünya ictimaiyyətinə çatdırmaqda böyük bacarıq nümayiş etdirən, analitik düşüncə qabiliyyəti və diplomatik mədəniyyəti ilə seçilən bir şəxsdir.

Xüsusilə 44 günlük Vətən müharibəsi dövründə Hikmət Hacıyev informasiya müharibəsinin ön cəbhəsində Azərbaycanın haqq səsini dünyaya çatdıran əsas simalardan biri oldu. Onun beynəlxalq mediaya verdiyi açıqlamalar, rəsmi brifinqləri, obyektiv faktlara əsaslanan çıxışları Azərbaycan həqiqətlərinin beynəlxalq arenada tanıdılmasında mühüm rol oynadı. Bu fəaliyyət bir daha sübut etdi ki, o, təkcə dövlət rəsmisi deyil, həm də xalqın səsini, Vətənin mənafeyini beynəlxalq platformalarda layiqincə təmsil edən bir ziyalıdır.

Hikmət Hacıyev həmçinin gənc nəsil üçün nümunəvi bir dövlət məmurudur. O, səmimiyyəti, peşəkarlığı və vətənpərvərliyi ilə gənclərə örnək olur. Onun fəaliyyəti göstərir ki, hər bir azərbaycanlı dövlət maraqlarını hər şeydən üstün tutmalı, ölkəsinin beynəlxalq imicinin qorunması və möhkəmləndirilməsi üçün çalışmalıdır.

Azərbaycan diplomatiyasının çevik və balanslı siyasəti bu gün Hikmət Hacıyev kimi peşəkar kadrların əməyinin nəticəsidir. O, Prezident İlham Əliyevin rəhbərliyi altında həyata keçirilən xarici siyasət strategiyasının uğurla icra olunmasında mühüm rol oynayır. Hər bir çıxışı, beynəlxalq tədbirlərdəki mövqeyi və diplomatik məharəti Azərbaycanın regional və qlobal səviyyədə artan nüfuzunun təcəssümüdür.

ARHD.az kollektivi Hikmət Hacıyevi bu əlamətdar gün münasibətilə təbrik edərək, Azərbaycanın beynəlxalq aləmdəki uğurlarında onun kimi dövlətə sədaqətli, peşəkar və prinsipial şəxslərin rolunu yüksək qiymətləndirir. Uğurlarının davamlı olmasını, ölkəmizin diplomatik uğurlarına yeni səhifələr əlavə etməsini arzulayır.

Sizi doğum günün münasibətilə, hörmətli Hikmət müəllim, xalqımızın rifahı və dövlətimizin qüdrəti naminə gördüyün işlərdə daim möhkəm iradə, sağlam ömür və tükənməz enerji arzulayırıq.
Azərbaycan diplomatiyasında Sizin kimi vətənpərvər, uzaqgörən və peşəkar şəxsiyyətlərin olması hər bir azərbaycanlının qürur mənbəyidir.