ABŞ-də şatdauna son qoymaq cəhdi növbəti dəfə nəticəsiz qaldı

ABŞ Senatında hökumətin maliyyələşdirilməsi və oktyabrın 1-dən qüvvədə olan şatdaunun dayandırılması məqsədilə keçirilən səsvermə bu dəfə də uğursuzluqla nəticələnib. Bu, məsələnin artıq səkkizinci dəfə Senatın gündəmində baxılmasına baxmayaraq, müsbət nəticənin əldə olunmaması deməkdir.

“Qafqazinfo” xəbər verir ki, Respublikaçılar Partiyasının təqdim etdiyi maliyyələşdirmə layihəsi Demokratların dəstəyini qazana bilmədiyi üçün Senatda tələb olunan 60 səs baryerini keçə bilməyib. Nəticədə layihənin lehinə 49, əleyhinə isə 45 senator səs verib, 6 senator isə səsvermədə iştirak etməyib.

Qeyd edək ki, bu günə qədər Demokratlar Partiyasının alternativ təklifi ilə bağlı heç bir səsvermə aparılmayıb.

Beləliklə, şatdaun rejimi ABŞ-də hələlik davam etməkdədir və federal qurumların fəaliyyətindəki qismən dayanma vəziyyəti aradan qaldırılmayıb.