“Kızılcık şerbeti”nin ssenaristi sərbəst buraxıldı

Sentyabrın 15-i 4 il əvvəl verdiyi müsahibəyə görə saxlanılan Türkiyənin məşhur “Kızılcık şerbeti” serialının ssenari müəllifi Merve Göntem sərbəst buraxılıb.

“Qafqazinfo” Türkiyə KİV-ə istinadən xəbər verir ki, o, məhkəmə nəzarəti və səyahət qadağası tələbi ilə azadlığa çıxıb.

Qeyd edək ki, müsahibədə Göntem qadınların pul üçün əxlaqsız yollara əl atdığını, bunun ölkədə adiləşdiyini bildirərək normallaşdırıbmış.

Xatırladaq ki, bir neçə gün öncə Türkiyə Radio və Televiziya Şurası “Kızılcık şerbeti”ndə ailənin gəlini (Doğa) ilə kürəkən (Firaz) arasında yaranan eşq macərası səbəbi ilə serial barəsində araşdırma başladıldığını açıqlamışdı.