“Fenerbaxça” Aktürkoğludan imtina etdi

“Benfika”da çıxış edən Türkiyə millisinin üzvü Kerem Aktürkoğlunun “Fenerbaxça”ya transferi baş tutmayıb.

“Qafqazinfo” xəbər verir ki, bu barədə Türkiyə mətbuatı məlumat yayıb.

“Fenerbaxça” 26 yaşlı vinger üçün “Benfika”ya etdiyi 25 milyon avroluq təklifi geri çəkib. Klub imtina səbəbi kimi təklif etdikləri şərtlərin pozulmasını göstərib.

Həmin şərt isə Keremin Çempionlar Liqasının 3-cü təsnifat mərhələsində “Nitsa” ilə keçiriləcək görüşdə meydana çıxarılmaması idi. Belə ki, “Benfika” bu şərti pozaraq futbolçunu 84-cü dəqiqədə oyuna daxil edib.

İstanbul təmsilçisi bundan sonra əvəlkindən daha az məbləğli -18 milyon avroluq yeni təklif göndərib. Portuqaliya təmsilçisi bu təklifi rədd edib.

Qeyd edək ki, Kerem Aktürkoğlu “Benfika”ya “Fener”in əzəli rəqibi “Qalatasaray”dan transfer olunmuşdu.

Nihad Əsədov