Ağdaş şəhər 4 nömrəli uşaq bağçasında “Payız möcüzələri” adlı möhtəşəm tədbir keçirilib.
MEHMAN QƏHRƏMANOVA AĞIR İTKİ ÜZ VERİB – ƏMİSİ MİRİD QƏHRƏMANOV VƏFAT EDİB. ALLAH RƏHMƏT ELƏSİN!
Yeni Azərbaycan Partiyası - Dünənin tarixi zərurətindən sabahın güclü Azərbaycanına doğru
KOTANAXR KƏNDİNİN TANINMIŞ SİMASI ƏLİ QARAKİŞİ OĞLUNUN ƏZİZ XATİRƏSİNƏ DƏRİN HÖRMƏTLƏ BAŞSAĞLIĞI
VƏKİLLİK İNSTİTUTU HÜQUQİ DÖVLƏTİN SÜTUNUDUR: PEŞƏ NÜFUZU, ƏDALƏT VƏ İNSAN HÜQUQLARI ETİBARI QORUNMALIDIR!
"YAP-ın yaranması ölkənin siyasi gələcəyinə hesablanmış qərar idi" - DEPUTAT DANIŞDI
İLHAMƏ ABDULLAYEVA – TƏHSİL SAHƏSİNDƏ TOPLADIĞI ZƏNGİN TƏCRÜBƏ, PEŞƏKARLIQ VƏ MƏSULİYYƏTİ İLƏ YENİ MƏRHƏLƏYƏ DOĞRU!
Azərbaycan–Vyetnam münasibətlərində yeni mərhələ: strateji tərəfdaşlığın real iqtisadi nəticələrə çevrilməsi
“Prezidentin Vyetnama səfəri siyasi kursun möhkəmləndirilməsində əlamətdar mərhələdir”
“Ağ pələng”in izi ilə - Prezident İlham Əliyev 43 illik siyasi irsə yeni məzmun qazandırır
4 saylı Magistral avtomobil yollarının istismarı MMC Müşfiq qəsəbəsində yol və infrastruktur problemlərinin həlli istiqamətində mühüm işlər görür
“Kibermühitdə bu günün şifrəli sirr tarixçəsi sabahın açıq kitabıdır” - DTX-nin rəis müavini
“Şirvan Operating Company Ltd” şirkətinin Həmkarlar İttifaqı Komitəsinin sədri Taleh Məmmədov: Azərbaycan mətbuatı son 150 ildə böyük inkişaf yolu keçmişdir
Bu il xalqımız üçün əlamətdar hadisələrdən biri – Azərbaycan milli mətbuatının 150 illik yubileyi qeyd olunur. 1875-ci ilin 22 iyulunda Həsən bəy Zərdabinin təşəbbüsü ilə nəşr olunan “Əkinçi” qəzeti ilə əsası qoyulan milli mətbuatımız ötən bir yarım əsr ərzində uzun və keşməkeşli, lakin eyni zamanda şərəfli bir inkişaf yolu keçmişdir. Həm maarifçilik missiyasını, həm milli oyanışa təkan verən güclü ictimai tribuna funksiyasını yerinə yetirən Azərbaycan mətbuatı bu gün də ölkənin ictimai-siyasi həyatında mühüm yer tutur.
Bu münasibətlə “Şirvan Operating Company Ltd” şirkətinin Həmkarlar İttifaqı Komitəsinin sədri, ictimai və sosial sahədə fəal mövqeyi ilə tanınan Taleh Məmmədov Azərbaycan mətbuat işçilərini və bütövlükdə media cameəsini ürəkdən təbrik edir, onların cəmiyyət üçün əvəzsiz əməklərini yüksək dəyərləndirdiyini bildirir.
Taleh Məmmədov qeyd edir ki, 150 illik tarixə malik milli mətbuatımız bu dövr ərzində müxtəlif siyasi sistemlərdə, müxtəlif dövrlərdə fəaliyyət göstərsə də, xalqın haqq səsini çatdırmaq, maarifçilik ideyalarını yaymaq və milli şüurun formalaşmasında aparıcı rol oynamaq funksiyasını heç zaman itirməyib. “Əkinçi” ilə başlanan bu yol “Molla Nəsrəddin”, “Kəşkül”, “Ziya” və digər maarifçi nəşrlərlə davam etdirilib. XX əsrdə isə mətbuatımız həm sovet senzurası, həm müstəqillik dövründəki mürəkkəb proseslər içində xalqın sözünü deməyi bacarıb.
Taleh müəllim vurğulayır ki, bu gün mətbuat yalnız informasiya vasitəsi deyil, həm də ictimai nəzarətin, şəffaflığın və hesabatlılığın təmin olunmasında əsas alətlərdən biridir. Azərbaycan Respublikasının Prezidenti cənab İlham Əliyevin dəfələrlə qeyd etdiyi kimi, azad və obyektiv mətbuat demokratik cəmiyyətin təməl sütunlarından biridir. Bu baxımdan Taleh Məmmədov hesab edir ki, dövlət tərəfindən medianın inkişafına göstərilən dəstək – qanunvericilik bazasının təkmilləşdirilməsi, Medianın İnkişafı Agentliyinin yaradılması, jurnalistlərin sosial rifahının təmin olunması sahəsində həyata keçirilən tədbirlər – ölkəmizdə peşəkar medianın formalaşmasına geniş imkanlar yaradır.
Müasir dövrdə informasiya texnologiyalarının inkişafı, sosial medianın geniş yayılması jurnalistlərin məsuliyyətini daha da artırıb. Taleh Məmmədov bu məqamda qeyd edir ki, dezinformasiya, yalan xəbərlərin yayılması kimi hallara qarşı mübarizədə peşəkar jurnalistlərin üzərinə böyük vəzifələr düşür. Cəmiyyətin düzgün məlumatlandırılması, ictimai rəyin sağlam formalaşması məhz vicdanlı və obyektiv media nümayəndələrinin fəaliyyəti ilə mümkündür.
Taleh müəllim hesab edir ki, mətbuatın cəmiyyət həyatında ən mühüm funksiyalarından biri də vətəndaş-məmur münasibətlərinin tənzimlənməsi, sosial ədalətin təmin olunmasında vasitəçi rolunu oynamasıdır. O vurğulayır ki, ictimai nəzarətin gücləndirilməsi, korrupsiya və digər neqativ hallara qarşı mübarizədə medianın təsiri əvəzolunmazdır. “Şirvan Operating Company Ltd” şirkətində də şəffaflıq, sosial ədalət və əmək hüquqlarının qorunması sahəsində görülən işlərdə mətbuatın rolu danılmazdır. Taleh Məmmədov deyir ki, media ilə səmərəli əməkdaşlıq həm müəssisənin nüfuzuna müsbət təsir göstərir, həm də işçilərin hüquqlarının qorunmasında vacib vasitəyə çevrilir.
Bununla yanaşı, Taleh müəllim jurnalistlərin sosial məsələlərə, xüsusilə də şəhid ailələri, qazilər, aztəminatlı ailələrin problemlərinə diqqət yetirməsini yüksək qiymətləndirir. O hesab edir ki, məhz bu cür sosial yönümlü yazılar ictimai həssaslığın formalaşmasına səbəb olur və cəmiyyətin humanist dəyərlərə sahib çıxmasına təkan verir.
Azərbaycan mətbuatının tarixində yüzlərlə görkəmli qələm sahibi, jurnalist və redaktor yetişmişdir. Bu insanlar təkcə informasiya daşıyıcısı olmayıb, həm də xalqın düşüncəsini, ruhunu ifadə edən şəxsiyyətlərə çevriliblər. Taleh Məmmədov bu şəxsiyyətlərin irsinin gənc nəsil jurnalistlər üçün əvəzsiz məktəb olduğunu qeyd edir və yeni nəsil jurnalistləri bu ənənələrə sadiq qalmağa çağırır.
Taleh Məmmədov Azərbaycan milli mətbuatının 150 illik yubileyi münasibətilə bütün media nümayəndələrini bir daha səmimi qəlbdən təbrik edir, onlara cansağlığı, yeni-yeni peşə uğurları və vətənə xidmət yollarında qələmlərinin daim kəsərli olmasını arzulayır. O, əminliklə bildirir ki, Azərbaycan mətbuatı bundan sonra da öz şərəfli missiyasını layiqincə davam etdirəcək, milli maraqlara xidmət edən, xalqın etimadını qazanmış güclü media orqanları cəmiyyətin inkişafına töhfələr verəcəkdir.
Azərbaycan mətbuatının 150 illik yubileyi mübarək olsun! Qələm sahiblərimizin əməyinə dəyər verən, onları dəstəkləyən belə təşəbbüskar rəhbərlərin sayının artması, həm də cəmiyyətin informasiya mədəniyyətinin yüksəlməsi deməkdir!
Əziz media nümayəndələri peşə bayramınız mübarək!
Taleh Məmmədov
“Şirvan Operating Company Ltd” şirkətinin Həmkarlar İttifaqı Komitəsinin sədri























































