“Düzgün yoldayıq” - Putin

“Mayın 16-da İstanbulda Rusiya ilə Ukrayna arasında birbaşa danışıqların bərpası hər iki tərəfin düzgün yolda olduğunu göstərir”.

“Qafqazinfo” “Ria Novosti”yə istinadən xəbər verir ki, bunu Rusiya Prezidenti Vladimir Putin ABŞ lideri Donald Trampla danışıqlardan sonra deyib.

“İstanbul görüşünü iştirakçıları arasında təmaslar bərpa olunub və bu, bizim ümumilikdə düzgün yolda olduğumuzu deməyə əsas verir. Rusiya və Ukrayna tərəfləri sülh üçün maksimum istək nümayiş etdirsinlər və bütün tərəflərə uyğun olan kompromislər tapsınlar”, - Putin bildirib.

Onun sözlərinə görə, Rusiyanın mövqeyi aydındır: “Bizim üçün əsas odur ki, bu böhranın əsas səbəblərini aradan qaldıraq”.