Qaydaları pozdu, qəza törətdi, müdirdən 500 manat rüşvət tələb etdi

Yol hərəkət qaydalarına əməl etməyib yüksək sürətlə yaşayış massivində hərəkət edərkən idarə ediyi avtomobili əzən şəxs yola nəzarət edən 19 saylı Yol İstismar İdarəsinin rəhbərliyini şantaj edib, hədə-qorxu yolu ilə pul tələb ediblər. Bildirib ki, əgər onun dediyi məbləğ verilməsə onları mediada və sosial şəbəkədə biabır edəcək. Guya ki, hadisə yol istismar idarəsinin yola yaxşı nəzarət və vaxtında təmir etməməsi səbəbindən baş verib.
Amma reallıqlar tamam bir mənzərini ortaya çıxarır. Belə ki, son vaxtlarda yağan intensiv yağışlar nəticəsində adı çəkilən yolda çatlar və çöküntü yaranıb. Yola nəzarət edən Şamaxı rayonu 19 saylı Yol İstismar İdarəsi Şamaxı-Cabanı yolunu Nəsimi qəsəbəsinin girişində yolda xəbərdarlıq nişanı qoyulub. Digər tərəfdən isə yaşayış massivində hərəkət sürəti və digər nişanlar mövcuddur. Lakin nədənsə Əhəd adlı şəxs yol hərəkət qaydalarına əməl etmədən idarə etdiyi avtomobili yüksək sürətlə sürmələri nəticəsində əzib. Əgər adı şəkilən şəxslər yol-hərəkət qaydalarına və yoldakı xəbərdarlıq nişanlarına uyğun hərəkət edib avtomobili idarə etsəydilər belə bir halla qarşılaşmazdı. Çünki yolda sürət 50 km/saat göstərilir və belə sürətlə hərəkət edən avtomili istənilən üzləşilən təhlükədən sovuşdurmaq mümkündür.
Kənd sakini və 19 saylı Yol İstismar İdarəsinin əməkdaşı Vəliyev Fəxri deyilənləri təkzib edərək həmin ərazidə belə bir hadisənin baş vermədiyini bildirib. Onun sözlərinə görə, əgər belə bir hadisə baş versəydi xəbərim olardı. “Onun dedikləri tamamilə yalan və qərəzədn başqa bir şey deyil. Sifarişlə edirlər. Əsas məqsədləri şantaj yolu ilə rəhbərlikdən pul ummaqdır”, - o qeyd edib.
O əlavə edib ki, kəndin girişində sürət həddi göstərilib, digər tərəfdən isə yolun bağlı olması və çöküntü olan yerdə də xəbərdarlıq məlumatı olub: “Lakin bu şəxs həmin xəbərdarlıq nişanlarını də qsədən götürüb yolun kənarına atıb. Bir daha qeyd edirəm ki, onun məqsədi də bəllidir”.
19 saylı Yol İstismar İdarəsinin müdiri Nazim Eynallı Əhəd adlı şəxsə şikayəti ilə bağlı hüquqi müstəvidə həll olunması üçün məhkəməyə müraciət etmələrini təklif edib, amma qarşı tərəf belə bir təkliflə razılşamayaraq pul tələb edib.
Hadisəni mediada və sosial şəbəkədə işıqlandıran “Kanal33”ün əməkdaşı Rövşən Cəbiyev qarşı tərəfin mövqeyini öyrənmədən qərəzli və birtərəfli qaydada mətbuatda və sosial şəbəkədə işıqlandırıb. Əgər Rövşən Cəbiyev özünü həqiqətin və ədalətin tərəfdarı kimi göstərmək istəyirdisə, o zaman qarşı tərəfin də mövqeyini öyrənib verməli idi. Lakin o nədənsə və nə səbəbdənsə bunu etməyib. Bəs, o zaman onun məqsədi nə olub sualı ortaya çıxır…
Bu hadisədən sonra isə 19 saylı Yol İstismar İdarəsinin müdiri Eynallı Nazim Hüseyn oğlu pəsmi şəkildə polisə şikayət ərizəsi ilə müraciət edib.
Onu da qeyd edək ki, artıq yolun həmin ərazisi təmir edilib.