Xəbər Lenti
Dünən, 12:27
Ömürdən Pay Klinikasının baş həkimi İftixar Zeynalov: "Çağdaş səhiyyəmiz Ulu Öndər Heydər Əliyevin adıyla bağlıdır"
25-07-2025, 19:51
Beyləqanda "Qarabağa qayıdış prosesində informasiya cəmiyyətinin rolu" mövzusunda tədbir keçirilib
25-07-2025, 09:42
“TuranBank” beynəlxalq maliyyə qurumundan yerli valyutada kredit cəlb edib - 3 illik
25-07-2025, 08:03
Təəssüf ki, uğurlarından daha çox baş verən biabırçı hadisələrlə gündəmdən düşməyən Goranboy Rayon Mədəniyyət şöbəsində hər gün yeni məlumatlar yayılır
24-07-2025, 16:47
Həkim-radioloq, AYB və AJB-nin üzvü, "Ulusestv.az" xəbər portalının əməkdaşı Rəşad Nürəddinoğlunun doğum günü münasibətilə təbrik edirik.
24-07-2025, 16:08
İşgəncələrə Qarşı Azərbaycan Komitəsinin mərhum sədri, hüquq müdafiəçisi Elşad Həmidovun doğum günü – İnsan haqları mübarizəsinin örnək siması...
AZAL Bakı–Kişineu–Bakı reyslərini gündəlik edəcək
"Azərbaycan Hava Yolları" QSC Bakı–Kişineu–Bakı reyslərini gündəlik etməyi planlaşdırır.
Qaynarinfo bu barədə səhmdar cəmiyyətinə istinadən xəbər verir.
Məlumata görə, qurumla Moldova nümayəndə heyəti arasında görüş baş tutub. Görüşdə AZAL-ın prezidenti Samir Rzayev, Moldovanın Baş nazirinin müavini, İnfrastruktur və Regional İnkişaf naziri, Azərbaycan-Moldova Hökumətlərarası Komissiyasının həmsədri Vladimir Bolea, Moldovanın Azərbaycandakı səfiri Aleksandr Esaulenko, Azərbaycanın Moldovadakı səfiri Ülvi Baxşəliyev, eləcə də AZAL-ın və Moldovanın digər nümayəndələri iştirak ediblər.
Görüş zamanı Azərbaycan və Moldova arasında hava nəqliyyatı sahəsində əməkdaşlığın genişləndirilməsi imkanları müzakirə olunub. Hava əlaqələrinin inkişafı, müntəzəm sərnişin daşımalarının artırılması və aviasiya sahəsində gələcək əməkdaşlıq perspektivləri ətrafında fikir mübadiləsi aparılıb.
S.Rzayev görüş zamanı bildirib ki, artan tələbatdan irəli gələrək bu aydan Bakı–Kişineu–Bakı reyslərinin sayı həftədə 5 dəfəyə çatdırılıb, mayda isə 7 dəfəyə, yəni gündəlik uçuşlara qədər artırılması planlaşdırılır.
V.Bolea və A.Esaulenko AZAL ilə əlaqələri yüksək qiymətləndirərək Moldova tərəfinin əlaqələrin inkişafına hərtərəfli dəstək verməyə hazır olduqlarını bildiriblər.
Bakı–Kişineu–Bakı marşrutu üzrə müntəzəm uçuşlara 2023-cü ilin sentyabr ayında başlanılıb. 2024-cü ildə bu istiqamətdə 189 reys (gediş-dönüş) yerinə yetirilib və 49 636 sərnişin daşınıb. 2025-ci ilin ilk üç ayında isə 51 reys (gediş-dönüş) icra olunub ki, bu istiqamət üzrə 12 180 sərnişin daşınıb.
Hər iki tərəf reyslərin artırılmasının sərnişinlər üçün əlavə rahatlıq yaradacağına, Azərbaycan və Moldova arasında iqtisadi, mədəni və turizm əlaqələrinin inkişafına da töhfə verəcəyinə əminliklərini ifadə edib.
Görüşdə həmçinin tərəflər arasında qarşılıqlı maraq doğuran digər məsələlər və gələcək əməkdaşlıq imkanları müzakirə olunub.