İş adamı Cəbrayıl Cəbrayılov: “26 İyun – Müstəqil Azərbaycanın Güvənc Yeri. Silahlı Qüvvələr Günü”
Silahlı Qüvvələr Gününə həsr olunmuş “Hədəf 12” gənclər arasında atıcılıq turniri keçirilib.
“Sonuncu əməliyyatdan sonra qazi artıq sərbəst danışır və qida qəbul edir” - Təmraz Tağıyev
Tramp bu gün Ukraynaya yardımın dayandırılmasını müzakirə edəcək
ABŞ Prezidenti Donald Tramp bu gün Milli Təhlükəsizlik üzrə komandası ilə görüş keçirəcək.
“Qafqazinfo” xəbər verir ki, bu barədə məlumatı amerikalı məmura istinadən “The New York Times” qəzeti yayıb.
Bildirilib ki, görüşün keçirilməsində məqsəd Ukraynanı müzakirə etmək və hətta ola bilsin ki, ölkə ilə bağlı müəyyən tədbirlər görməkdir.
Mənbənin sözlərinə görə, həmin tədbirlərə Ukraynaya daha əvvəlki ABŞ administrasiya tərəfindən razılaşdırılmış hərbi yardımın dayandırılması da daxil ola bilər.
İclasda ABŞ Dövlət katibi Marko Rubio və müdafiə naziri Pit Hegset də iştirak edəcək.
Xatırladaq ki, fevralın 28-də Vaşinqtonda Ukrayna və ABŞ prezidentləri Volodimir Zelenski ilə Donald Tramp arasında görüş keçirilib. Görüş çərçivəsində tərəflər mətbuata açıqlamalar verərkən Zelenski, Tramp və ABŞ-nin vitse-prezidenti Ceyms Devid Vens arasında mübahisə yaranıb. Bu zaman Tramp Zelenskini ABŞ-yə qarşı hörmətsiz davranışda, Vens isə Kiyevə göstərilən dəstəyə görə Vaşinqtona təşəkkür etməməkdə ittiham edib. Nəticədə mətbuat konfransı ləğv edilib.