Xəbər Lenti
29-05-2025, 14:37
25 May 2025-ci il tarixində Daşkəsən şəhər Səməd Vurğun adına 4 N-li Orta məktəbin XV-ci buraxılış məzunlarının 50 illik Yubiley görüşü keçirildi.
28-05-2025, 09:43
Minifutbol üzrə dünya çempionatı: Dörddəbir finala yüksələn digər komandalar bəlli olacaq
28-05-2025, 09:36
Diplomatik nümayəndəliklər Azərbaycan xalqını Müstəqillik Günü ilə bağlı təbrik edir
28-05-2025, 08:30
Lənkəran şəhər İcra hakimiyyətinin başçısı Taleh Qaraşov: “28 May-Müstəqillik Günü tariximizin şanlı səhifələrdəndir”
"The Times" təhlükəli senari barədə xəbərdarlıq etdi: "Ukrayna Trampın vecinə deyil"
ABŞ-ın yeni prezidenti Donald Tramp bəlkə də Rusiya ilə Ukrayna arasındakı müharibəni 24 saat ərzində bitirmək vədindən imtina edib, lakin onun xüsusi elçisi Kit Kelloga 100 gün ərzində həll yolu tapmaq tapşırığı verməsi müharibənin növbəti dondurulmuş münaqişəyə çevrilməsi perspektivini heç vaxt olmadığı qədər real edib.
Qaynarinfo xəbər verir ki, bu barədə "The Times" yazır.
Nəşr qeyd edir ki, dondurulmuş münaqişələrin tarixi heç vaxt uğurlu olmayıb – silahlı qarşıdurmanın yenidən başlama təhlükəsi həmişə aktual qalır.
Sankt-Andryus Universitetinin strateji araşdırmalar üzrə professoru Filips O'Brayen hesab edir ki, Ukraynanın bəxti gətirməlidir. Tramp, səbirsizliyi ilə tanınsa da, Ukraynadakı müharibənin bitməsi məsələsində özünü razılığa gələ bilən şəxs kimi göstərməyə çalışır.
"Trampa əslində Ukrayna vecinə deyil. O, hərbi əməliyyatları dayandırmaq üçün kredit qazanmaq, özünü sülhməramlı elan edib evinə qayıtmaq istəyir", – deyə o izah edib.
O'Brayenin fikrincə, Trampın Rusiyaya ünvanladığı təhdidlər inandırıcı deyil. O əlavə edib ki, ABŞ prezidenti Ukraynaya heç bir təhlükəsizlik zəmanəti təklif etməyib və özünü vasitəçi kimi təqdim edir, amma təminatçı kimi yox.
Dondurulmuş münaqişə və sülhməramlılar
Müasir dövrdə dondurulmuş münaqişənin ən məşhur nümunəsi Koreya müharibəsidir. Koreya yarımadası cəbhə xətti boyunca bölünüb. Şimali və Cənubi Koreya hələ də texniki olaraq müharibə vəziyyətindədirlər, çünki sülh sazişi imzalanmayıb. Xarici hadisələr və qüvvələr bu atəşkəsin əldə olunmasında həlledici rol oynayıb. Lakin Koreya müharibəsində BMT bayrağı altında minlərlə xarici əsgər iştirak edib və atəşkəs rejiminin təmin olunması üçün orada qalıb. Daha sonra onların yerini tamamilə amerikalı hərbçilər əvəzləyib.
Alpər