Xəbər Lenti
Dünən, 15:54
Ağdaş şəhər 4 nömrəli uşaq bağçasında “Payız möcüzələri” adlı möhtəşəm tədbir keçirilib.
Dünən, 13:30
MEHMAN QƏHRƏMANOVA AĞIR İTKİ ÜZ VERİB – ƏMİSİ MİRİD QƏHRƏMANOV VƏFAT EDİB. ALLAH RƏHMƏT ELƏSİN!
Dünən, 11:36
Yeni Azərbaycan Partiyası - Dünənin tarixi zərurətindən sabahın güclü Azərbaycanına doğru
20-11-2026, 14:20
KOTANAXR KƏNDİNİN TANINMIŞ SİMASI ƏLİ QARAKİŞİ OĞLUNUN ƏZİZ XATİRƏSİNƏ DƏRİN HÖRMƏTLƏ BAŞSAĞLIĞI
20-11-2026, 14:02
VƏKİLLİK İNSTİTUTU HÜQUQİ DÖVLƏTİN SÜTUNUDUR: PEŞƏ NÜFUZU, ƏDALƏT VƏ İNSAN HÜQUQLARI ETİBARI QORUNMALIDIR!
20-11-2026, 13:56
"YAP-ın yaranması ölkənin siyasi gələcəyinə hesablanmış qərar idi" - DEPUTAT DANIŞDI
20-11-2026, 13:45
İLHAMƏ ABDULLAYEVA – TƏHSİL SAHƏSİNDƏ TOPLADIĞI ZƏNGİN TƏCRÜBƏ, PEŞƏKARLIQ VƏ MƏSULİYYƏTİ İLƏ YENİ MƏRHƏLƏYƏ DOĞRU!
20-11-2026, 12:36
Azərbaycan–Vyetnam münasibətlərində yeni mərhələ: strateji tərəfdaşlığın real iqtisadi nəticələrə çevrilməsi
20-11-2026, 10:52
“Prezidentin Vyetnama səfəri siyasi kursun möhkəmləndirilməsində əlamətdar mərhələdir”
20-11-2026, 10:18
“Ağ pələng”in izi ilə - Prezident İlham Əliyev 43 illik siyasi irsə yeni məzmun qazandırır
19-11-2026, 15:28
4 saylı Magistral avtomobil yollarının istismarı MMC Müşfiq qəsəbəsində yol və infrastruktur problemlərinin həlli istiqamətində mühüm işlər görür
19-11-2026, 13:22
“Kibermühitdə bu günün şifrəli sirr tarixçəsi sabahın açıq kitabıdır” - DTX-nin rəis müavini
Bakı və İrəvan danışıqlarına kim mane olur? (ŞƏRH)
"Bakı və İrəvan arasında vasitəçilərsiz danışıqlar Ermənistan xarici güclərdən asılılıqdan xilas olduqda mümkün olacaq".
Bunu Qaynarinfo-ya açıqlamasında politoloq Əlimusa İbrahimov Azərbaycanla Ermənistan arasında vasitəçisiz danışıqların hansı halda mümkün ola biləcəyi sualına cavabında deyib.
Əlimusa İbrahimov bildirib ki, Bakı ilə İrəvan arasında vasitəçilərsiz danışıqlar Azərbaycanın istədiyi və nail olmağa çalışdığı əsas məsələdir:
"Azərbaycan I Qarabağ müharibəsindən və 44 günlük qələbəmizdən sonra vasitəçilərsiz və birbaşa danışıqlar üçün ciddi səy göstərir. Bu təşəbbüslər torpaqlarımız işğal altında olan zaman münaqişənin həll olunmasına guya yardım göstərən qüvvələr tərəfindən qəbul olunmur və Ermənistan tərəfindən də dəstəklənmirdi. Böyük güclər danışıqlar prosesini öz gündəlikləri çərçivəsində aparır, öz maraqlarını müdafiə edirdilər. Onların maraqları İrəvanın mənafeyinə xidmət etdiyindən və zəif mövqeyə malik olduğundan Ermənistan da onların arxasınca sürünürdü".

Ekspert qeyd edir ki, 44 günlük müharibə və antiterror əməliyyatlarından sonra vəziyyət dəyişsə də Ermənistanın xarici güclərdən asılılığı əvvəlki tək davam edir:
"Xarici dəstəkçilər İrəvana müxtəlif platformalar təklif etməklə onu Bakı ilə vasitəçilərsiz danışıqlara getməkdən çəkindirir. 30 il bundan əvvəlki şərait Ermənistan üçün sanki dəyişməyib. Onun xarici qüvvələrdən asılılığı, mövqeyinin daha da zəifləməsi göz önündədir. O yenə də sürünməkdə davam edir. Azərbaycan isə hər keçən gün daha ciddi şəkildə vasitəçilərsiz danışıqlarda israr edir. Ermənistan sonda vasitəçilərsiz danışıqlara razı olacaqmı? İndilikdə bu məlum deyil. Amma indiki vəziyyətin sonda onun üçün yenə də faciə ilə nəticələnəcəyini görməmək mümkün deyil. İrəvan nə qədər tez xaricdəki dəstəkçilərinin məsləhətlərindən əl çəkib Azərbaycanla birbaşa danışıqlara getsə, bu onun üçün yaxşı olacaq".
Qeyd edək ki, Azərbaycanla Ermənistan arasında aparılan danışıqlarda bir qayda olaraq bir sıra aparıcı xarici dövlətlər vasitəçi qismində iştirakda maraqlıdır. Bu xüsusda əsasən də ABŞ, Avropa İttifaqı və Rusiya fərqlənir. Lakin məlumdur ki, bu fonda aparılan danışıqlarda adətən vasitəçilər də bu və ya digər dərəcədə öz maraqlarının təmin olunmasına da çalışırlar. Bu isə onlara istədiyi vaxt bölgə ölkələrinə təsir etmək imkanı verir. Belə bir şəraitdə əldə edilən sülhün möhkəmliyi də istər-istəməz şübhə altına alınır. Çünki vasitəçi sülhdən sonra öz marağına toxunan hansısa bir hal baş verdikdə birmənalı şəkildə yenidən gərginliyin alovlanmasında maraqlı olacaq. Bu mənada problemdən ən əlverişli çıxış vasitəsi vasitəçilər olmadan tərəflərin öz aralarında sülhə nail olmasıdır. Azərbaycan məhz bunda maraqlıdır. Ermənistan isə digər məsələlərdə olduğu kimi, bu məsələdə də gah mıxa, gah da nala vurmaqla məşğuldur. Bu da göstərir ki, İrəvan vasitəçilərsiz danışıqlarda o qədər də maraqlı görünmür.
Bu arada, Ermənistanın baş nazirinin mətbuat katibi Nazeli Bağdasaryan bildirib ki, İrəvan Minsk Qrupunun ləğvi məsələsində ATƏT-ə müraciət etməyi düşünür. "Ermənistan Minsk Qrupunun ləğvi ilə bağlı ATƏT-ə müraciət etmə ehtimalını nəzərdən keçirir", deyə Nazeli Bağdasaryanın sözlərinə görə, Ermənistan Azərbaycanın ərazi bütövlüyünü tanıyır və bunu sülh sazişi imzalamaqla təsdiqləməyə hazırdır.
Rüfət Sultan























































