“Cülyetta” vəfat etdi

“Romeo və Cülyetta” filmində “Cülyetta” obrazını canlandıran məşhur aktrisa Oliviya Hassi dünyasını dəyişib.

“Qafqazinfo” xarici KİV-ə istinadən xəbər verir ki, o, 73 yaşında xərçəng xəstəliyindən vəfat edib.

Aktrisanın rəsmi instaqram hesabında onun sevdiklərinin əhatəsində öldüyü bildirilib.

Qeyd edək ki, Hassi süd vəzi xərçəngindən əziyyət çəkib. Ona ilk dəfə bu diaqnoz 2008-ci ildə qoyulub.

Aktrisa, həmçinin “Jesus of Nazareth” mini serialında, “Qara Milad” və “Nildə Ölüm” filmlərində rol alıb. Hassi “Romeo və Cülyetta” filmində rol aldığı zaman onun 15 yaşı olub.