“Onun varislərini də məhv etdik” - Netanyahu

İsrail hərbi qüvvələri Livanda “Hizbullah” təşkilatının daha əvvəl öldürülmüş baş katibi Həsən Nəsrullanın iki varisini zərərsizləşdirib.

“Qafqazinfo” TASS-a istinadən xəbər verir ki, bu barədə İsrailin Baş naziri Benyamin Netanyahu Livan xalqına müraciətində bildirib.

“Biz “Hizbullah”ın imkanlarını zəiflətdik, Nəsrullanın özü də daxil olmaqla minlərlə terrorçunu, onun varisini və varisinin də varisini məhv etdik. Bu gün “Hizbullah” uzun illər ərzində olduğundan daha zəifdir”, - o deyib.

Bir neçə saat əvvəl İsrailin müdafiə naziri Yoav Qalant “Hizbullah”ı lidersiz təşkilat adlandırıb və Nəsrullanın varisi hesab edilən “Hizbullah”ın icraiyyə şurasının rəhbəri Haşim Safi əd-Dinin də böyük ehtimalla məhv edildiyini açıqlayıb. Onun sözlərinə görə, bu səbəbdən təşkilatda qərar qəbul edən və hərəkət edən yoxdur.