Ağdaş şəhər 4 nömrəli uşaq bağçasında “Payız möcüzələri” adlı möhtəşəm tədbir keçirilib.
MEHMAN QƏHRƏMANOVA AĞIR İTKİ ÜZ VERİB – ƏMİSİ MİRİD QƏHRƏMANOV VƏFAT EDİB. ALLAH RƏHMƏT ELƏSİN!
Yeni Azərbaycan Partiyası - Dünənin tarixi zərurətindən sabahın güclü Azərbaycanına doğru
KOTANAXR KƏNDİNİN TANINMIŞ SİMASI ƏLİ QARAKİŞİ OĞLUNUN ƏZİZ XATİRƏSİNƏ DƏRİN HÖRMƏTLƏ BAŞSAĞLIĞI
VƏKİLLİK İNSTİTUTU HÜQUQİ DÖVLƏTİN SÜTUNUDUR: PEŞƏ NÜFUZU, ƏDALƏT VƏ İNSAN HÜQUQLARI ETİBARI QORUNMALIDIR!
"YAP-ın yaranması ölkənin siyasi gələcəyinə hesablanmış qərar idi" - DEPUTAT DANIŞDI
İLHAMƏ ABDULLAYEVA – TƏHSİL SAHƏSİNDƏ TOPLADIĞI ZƏNGİN TƏCRÜBƏ, PEŞƏKARLIQ VƏ MƏSULİYYƏTİ İLƏ YENİ MƏRHƏLƏYƏ DOĞRU!
Azərbaycan–Vyetnam münasibətlərində yeni mərhələ: strateji tərəfdaşlığın real iqtisadi nəticələrə çevrilməsi
“Prezidentin Vyetnama səfəri siyasi kursun möhkəmləndirilməsində əlamətdar mərhələdir”
“Ağ pələng”in izi ilə - Prezident İlham Əliyev 43 illik siyasi irsə yeni məzmun qazandırır
4 saylı Magistral avtomobil yollarının istismarı MMC Müşfiq qəsəbəsində yol və infrastruktur problemlərinin həlli istiqamətində mühüm işlər görür
“Kibermühitdə bu günün şifrəli sirr tarixçəsi sabahın açıq kitabıdır” - DTX-nin rəis müavini
Şəhid Mais Mirzəcanovun doğum gününə həsr olunmuş tədbir
Lənkəran rayonunun Yuxarı Nüvədi kəndinin yurda bağlı Vətən sevdalı qeyrətli oğlanları həmişə ona başıucalığı gətiriblər. Azərbaycanın, eləcə dünyanın hərb tarixinə qızıl hərflərlə yazılan 44 günlük haqq savaşımızda da belə olub.
Kənddə boya-başa çatan Azərbaycan Silahlı Qüvvələrin baş leytenantı Vüsal Kazımov Vətənin yaşaması naminə ağır müharibə meydanda yağıya qarşı son nəfəsinə qədər döyüşərək şəhidlik zirvəsinə ucalıb. İndi bütöv bir xalqın qəhrəmanlıq simvoluna dönən Vüsalın adı dillərdən düşmür, onu özünə qürur yeri, iftixar mənbəyi bilirlər. Həmçinin rayonda igid Vətən oğlunun xatirəsini yaşadan yadigarlar da çoxdur. Doğma kəndində salınan Vüsal Kazımov adına Şəhidlər Parkı adamların ən çox getdiyi müqəddəs yerdir.
Bu günlər parkda Yuxarı Nüvədi kənd məktəbinin təşkilatçılığı sayəsində şəhid Mais Hüseynağa oğlu Mirzəcanovun doğum günü münasibətilə “Azərbaycan mənim nəfəsimdir!” adlı möhtəşəm bir tədbir baş tutub. Rayon rəsmilərin, şəhidin doğmaların, müharibə veteranların, sayılıb-seçilən ictimai xadimlərin, ziyalıların, kənd ictimaiyyətinin nümayəndələrin, şagird və müəllim kollektivin qatıldığı mərasimdə əvvəlcə ümummilli lider Heydər Əliyevin, Azərbaycanın müstəqilliyi və ərazi bütövlüyü uğrunda şəhid olanların xatirəsi bir dəqiqəlik sükutla anılıb, dövlət himni səslənib.
Tədbirdə çıxışlar zamanı şəhid Mais Mirzəcanovun şərəfli ömür və döyüş yolundan danışılıb, Müzəffər Ali Baş Komandan İlham Əliyevin rəhbərliyi altında Vətən müharibəsində ordumuzun qazandığı qələbədən, xalqımıza məxsus tarixi Qarabağ torpaqlarının 30 ildən sonra işğaldan azad olunması uğrunda gedən döyüşlərdə Azərbaycan oğullarının göstərdiyi qəhrəmanlıq və şücaətdən söz açılıb. Həmçinin bildirilib ki, milyonların qəlbində özünə əbədi yer edən Mais Mirzəcanov 1975-ci ildə Lənkəran rayonunun Yuxarı Nüvədi kəndində dünyaya gəlib. 1994-cü ildə hərbi xidmətə yollanan Mais Vətənin ən ağır və çətin günlərində işğalçı Ermənistan ordusunun Vətən torpaqlarına hücumu zamanı bir çox döyüş əməliyyatlarında fəal olmaqla, düşmənə layiqli cavab verib. Sonuncu dəfə Ağdamda gedən ağır savaşda qəhrəmancasına şəhid olub. Mərdliyi, igidliyi, Vətənə, torpağa sevgisi bizlərə nümunə olan Mais əbədiyaşar ömrünün 49 ilinə qədəm qoydu. O, cismən aramızdan gedib, mənə qəlblərdə yaşayır, böyük ehtiramla xatırlanır. Oxuduğu Yuxarı Nüvədi kənd tam orta məktəbi şəhidin adını daşıyır.
“Gənclərin vətənpərvər ruhda yetişmələri üçün təşkil olunan tədbirdə məktəb heyətinin qismən də olsa Vətən yolunda canından keçən şəhidlərin önündə öz vicdan borcunu yerinə yetirmiş oluruq”. Bu fikirləri isə məktəbin direktoru Ramiz Ramazanov söyləyib.
Tədbirdə rayonun tanınmış müğənniləri tərəfindən vətənpərvər ruhlu mahnılar oxunub, məktəblilər isə şerlər ifa edib və müxtəlif ədəbi-bədii kompozisiyalar göstərilib.
Mərasimdə həmçinin dövlətçilik tariximizdən bəhs edən fotostendlər, şagirdlərin vətənpərvərlik mövzusunda hazırladığı əl işləri nümayiş olunub.
Zəfər ORUCOĞLU,
Azərbaycan Jurnalistlər Birliyinin üzvü





























































