Şirvan Şəhər İcra Hakimiyyətinin başçısı İlqar Abbasov futbol turnirinin açılış mərasimində iştirak edib.
Xaricdə yaşayan azərbaycanlı gəncləri birləşdirən “Bulbul” mobil tətbiqinin təqdimatı keçirilib.
Sədr müavini: "Məhsul festivallarında qiymətləri dövlət tərəfindən tənzimləmək çətindir"
İsrail Tehran və İsfahandakı raket sistemlərinə və radar qurğularına zərbələr endirib
Türkiyənin Kahramanmaraş şəhərində "Azərbaycan məhəlləsi"nin açılış mərasimi keçirilib
Azərbaycan Həmkarlar İttifaqları Konfederasiyasının üzv təşkilatının Qurultayı keçirilib.
“Neylərəm sənsiz” – Nənə nəvənin qəlbində yaşayan əbədi sevgi. Nuray Kərimli nənəsi Məlahət xanıma ithaf edir.
70 yaşlı sahibkara qarşı hədə-qorxu: Bakının mərkəzində “Kurtlar Vadisi” ssenarisi - MÜRACİƏT VİDEO
Ağdaş Olimpiya İdman Kompleksinin direktoru Tahir Umudovu doğum günü münasibətilə səmimi-qəlbdən təbrik edirik!
DİQQƏT: Azərbaycanda vətəndaşlara saxta əsginaslar verilib - AÇIQLAMA
Azərbaycanda saxta əsginaslar yayılıb.
Bu barədə məlumat sosial şəbəkələrdə paylaşılıb. Səbail rayonu, Bayıl qəsəbəsində yaşayan sakin ailə üzvünün bu hal ilə taksidə rastlaşdığını iddia edib. O bildirib ki, Salyan rayonundan Bakıya taksi ilə gələn vətəndaş ödəniş edərkən taksi sürücüsü ona iki ədəd saxta 20 manatlıq əsginas verib. Hava qaranlıq olduğu üçün sərnişin əsginasın saxta olduğunu görməyib.
Daha bir fakt isə Siyəzən rayonunda qeydə alınıb. Belə ki, iddialara görə, rayonda bir nəfər mağazalara girərək saxta 50 və 100 dollarla alış-veriş edib. Məlumata görə, Siyəzəndə iki mağaza sahibi ziyan görüb.
Bu pullar necə meydana çıxıb? İnsanlara dəymiş ziyanı kim qarşılayacaq?
Məsələ ilə bağlı Daxili İşlər Nazirliyinin (DİN) Mətbuat Xidmətinin əməkdaşı Nurlan Əliyev Oxu.Az-ın sorğusuna cavab olaraq bildirib ki, sosial şəbəkələrdə saxta əsginaslarla bağlı yayılan görüntülər hazırda araşdırılır:
“Vətəndaşlar tərəfindən saxta pul nişanları ilə bağlı daxil olan müraciətlərə əsasən polis aidiyyəti dövlət qurumlarının əməkdaşları ilə birgə zəruri tədbirlər həyata keçirir. Araşdırmanın nəticəsi barədə ictimaiyyətə məlumat veriləcək”.
Könül Cəfərli