Nazim Eynallı: Qurum əməkdaşları Şamaxı-Qonaqkənd yolunda fəaliyyətlərini davam etdirir
Azərbaycan Həmkarlar İttifaqları Konfederasiyası ilə STM arasında Memorandum imzalandı
Mərkəzi Asiya dövlətlərinin yunan Kiprinə səfir təyinatından vaxtında xəbəri olmayanlardan hesabat istəniləcək
Sahibkar Xəyalə İsmayılova "Uğur777" Klinikası barədə yayılan məlumatlara münasibət bildirdi
Son günlər Nəsimi rayonunda abadlıq qruculuq işləri rayon sakinlərini olduqca sevindirir - VİDEO+FOTOLAR
Yarım milyon manat rüşvət almada ittiham edilən general: “Pulları Talıbovun sürücüsü və sabiq nazirə vermişəm”
Naxçıvanın Penitensiar Xidmətinin sabiq rəisi, ədliyyə general-mayoru Tofiq Həsənovun cinayət işi üzrə məhkəmə istintaqı başlayıb.
“Qafqazinfo” xəbər verir ki, Naxçıvan Ağır Cinayətlər Məhkəməsində hakim Hüseyn Məmmədovun sədrliyi ilə keçirilən iclasda prokuror ittiham aktını elan edib.
General xidmət rəisi işlədiyi müddətdə vəzifə səlahiyyətlərindən sui-istifadə edərək ümumilikdə 52 nəfərdən külli miqdarda rüşvət almaqda ittiham edilir. Qeyd olunan əməllərə görə, T.Həsənova qarşı Cinayət Məcəlləsinin 311.3.2-ci (külli miqdarda rüşvət alma) maddəsi ilə ittiham elan olunub.
Müttəhim Həsənov verilmiş ittihama münasibətdə özünü qismən təqsirli bilib.
General ətraflı danışmasa da, ifadəsində Naxçıvan Ali Məclisinin sabiq sədri Vasif Talıbovun oğlu Seymur Talıbovun sürücüsünün və Muxtar Respublikanın əvvəlki ədliyyə nazirinin adını çəkib. Deyib ki, ittihamda rüşvət kimi qeyd olunan pulların bir qismini Talıbovun sürücüsü Həsən Əhmədova və sabiq nazir Daşqın Rəhimova verib.
Hakim və prokurorun “həmin pulların mənbəyi hara idi, niyə görə o, adamlara vermişdiniz?”, - suallarına isə general cavab verməyib.
Proses dekabrın 19-da davam edəcək.
Qeyd edək ki, Tofiq Həsənov bu ilin yanvarında Dövlət Təhlükəsizliyi Xidmətinin İstintaq Baş İdarəsində davam edən cinayət işi üzrə həbs edilib. O, ümumilikdə yarım milyona yaxın məbləği rüşvət qismində almaqda ittiham edilir.