Mikayıl Cabbarov Səudiyyə Ərəbistanında keçirilən Dünya İqtisadi Forumunda iştirak edəcək
Botanika İnstitutunun alimləri Şərqi Zəngəzur icmalarına biomüxtəlifliyi tanıtmaq üçün dəyirmi masa keçirib
Özünü qadına görə güllələdiyi deyilən Nəsib Quliyevin övladları və xanımı yasda İŞTİRAK ETMƏDİLƏR
İcma Avropa Parlamentinin Azərbaycana qarşı sanksiyalar tətbiq etməyə çağıran qətnaməsini pisləyib
Azərbaycanı Mərkəzi Asiya ilə çoxəsrlik əməkdaşlıq, dostluq, qarşılıqlı fəaliyyət bağları birləşdirir
Canni De Byazi: “Azərbaycan futbol hərəkatına çox şey verdiyimi düşünürəm”
“Bu üç il ərzində Azərbaycan futbol hərəkatına çox şey verdiyimi düşünürəm”.
Bunu Azərbaycan millisinin sabiq baş məşqçisi Canni De Byazi “Tuttoudinese” nəşrinə açıqlamasında deyib.
67 yaşlı mütəxəssis yığmada işləməyə hazır olduğunu bildirib:
“Avropa çempionatının seçmə mərhələsində beş komandadan ibarət qrupda yeddi xal əldə etdik. Birinci dərəcəli komandalarla bərabər oynadıq. Belçika ilə evdəki matçda bir epizoda görə uduzduq. Avstriya ilə qarşılaşmada bərabərliyə layiq idik. İsveçlə görüşdəki qələbə tarixdə qalacaq. 3:0 hesabı ilə qalib gələcəyimizi heç düşünməmişdim. Heyətdə maraqlı oyunçular var. Artıq yol asfaltlanıb, ümid edirəm ki, bu hərəkat növbəti illərdə daha da böyüyəcək. Bu, mənim üçün məmnunedici səyahət idi. Resurslar az olanda belə, komandanın futbol oynaya biləcəyini nümayiş etdirdim. Azərbaycan yığmasında çalışmaq dil fərqindən başlayaraq, bir çox səbəblərə görə asan deyil”.
İtaliyalı baş məşqçi bəzi təkliflər aldığını da vurğulayıb:
“Hələlik imza atmamışıq. Bu səbəbdən heç nə deyə bilmərəm”.
Xatırladaq ki, AFFA İcraiyyə Komitəsi noyabrın 22-də millinin baş məşqçisi Canni De Byazi ilə yolları ayırıb. Yığma onun rəhbərliyi altında AVRO-2024-ün seçmə mərhələsində yeddi xalla F qrupunda dördüncü yeri tutub.