“Azərbaycan təbii qazının Suriyaya ixracı Yaxın Şərq dövlətləri ilə əməkdaşlıqla yeni səhifə açır”
Həkim satın aldığı körpəni yerə salıb başqa adla xəstəxanaya apardı - Türkiyədə qalmaqal
Abşeronda "Qarabağa qayıdış prosesində informasiya cəmiyyətinin rolu" mövzusunda tədbir keçirilib - FOTOLAR
Azərbaycan Nəqliyyat Ekspeditor şirkətləri Assosiasiyasına yeni baş katib təyin olunub
Nazirlikdə Avropa Universitetləri Futzal Çempionatının qalibləri ilə görüş - Fotolar
“Zəngin turistlər yalnız kazinoya deyil, lüks hotel və restoranlara da pul xərcləyirlər”
Toxluq hissi yaradan qidalar
Heç kimə sirr deyil ki, hormonlar insanın davranışı və ehtiyaclarına çox təsir edir. Belə ki, leptin beynə toxluq barədə siqnal göndərir, qrelin isə aclıq hissi yaradır. Alimlər uzun müddətdir ki, çəkiyə nəzarət etmək üçün bu hormonların ifrazına necə təsir etmək olar deyə düşünürlər.
Hansı qidaların qrelin ifrazını və aclığı azaltmağa kömək etdiyi barədə rusiyalı endokrinoloq Vadim Çernoqolov danışıb.
“İlk növbədə, bu yumurtadır. Səhər yeməyində yumurta yeməyin insanlarda qrelin ifrazına təsiri haqqında ilk məlumatlar 10 il əvvəl ortaya çıxıb. Tədqiq edilənləri iki qrupa bölüblər: bəziləri yumurta ilə daha az kalorili, digərləri isə çörək məmulatları (yəni karbohidratlar) ilə səhər yeməyi yeyiblər. Onlarda qanda qlükoza və qrelin səviyyələri daha yüksək olub. Bu tədqiqatlar səhər yeməyində yumurta istehlakının qanda qlükoza və insulin səviyyəsini azaltdığını və qrelin reaksiyalarını basdırdığını aşkar edib. Bu tədqiqatlar səhər yeməyində yumurta yemək qanda qlükoza və insulinin səviyyəsini azaltdığını və qrelinə qarşı reaksiyanı zəiflətdiyini göstərib.
Bundan əlavə, yumurta xolesterinin səviyyəsini əhəmiyyətli dərəcədə artırmır, çünki xolesterinin əsas mənbəyi onu yağlı qidalardan sintez edən qaraciyərdir. Əgər insan o qədər də çox yağlı qidalar qəbul etmirsə, o zaman yumurta qanda xolesterinin səviyyəsinə ciddi təsir göstərmir”, - deyə həkim izah edib.
Bir sıra qidaların toxluq hormonu olan leptinin ifrazına təsiri ilə bağlı tədqiqatlar həyata keçirilib. Bu, mədəni dolduran və aclıq hormonlarını balanslaşdıran liflə zəngin qidadır.
“Qida rasionumuza zülal əlavə etmək leptinə qarşı həssaslığı artıraraq toxluq hissini artırır. Qrelinin səviyyəsinə, həmçinin Omeqa-3 yağları da daxil olmaqla, tərkibində faydalı yağlar olan qidaların köməyi ilə nəzarət etmək olar. Bunlara balıq, qoz-fındıq, çia və kətan toxumu aiddir”, - deyə Vadim Çernoqolov qeyd edib.
Şirinlik sevənlər şirniyyat və mürəbbələri bir qaşıq bal ilə əvəz edə bilərlər ki, bu da aclıq hormonunun ifrazına təsir edə bilər. Həmçinin şirniyyatları toxluq hormonu olan leptinin ifrazını artıran giləmeyvə ilə əvəz etmək olar. Göyərti və paxlalılar da eyni xüsusiyyətlərə malikdir.
Mənbə: Oxu.Az