Menu
Xəbər Lenti
Taekvandoçumuz 1/4 finalda
26-07-2021, 10:08

Taekvandoçumuz 1/4 finalda

Bakıda zəncirvari qəza
24-07-2021, 14:09

Bakıda zəncirvari qəza

17 iyl 09:46Gündəm / Kriminal

Sahibkar da reket jurnalistin qurbanı oldu - AÇIQLAMA

Sahibkarlardan və vəzifəli şəxslərdən pul tələb edən reket jurnalist Hacı İbrahim daha bir əməlinin üstü açılıb. Belə ki, özünü media nümayəndəsi kimi təqdim edən “Korrupsiyaya son” qəzetinin təsisçisi Hacı İbrahim daha bir iş adamını şantaj edib.
Bu barədə Oxu.Az-a zərərçəkmiş sahibkar Rəşad Qədirov özü məlumat verib.
H.İbrahim sahibkara zəng edərək ona hansısa nişanın təqdim ediləcəyini bildirib:
“Əvvəlcə telefonda mənə dedi ki, sizə hədiyyə nişan verəcəyik. Guya həmin nişanı öz qohumu vasitəsi ilə yollayacaq. Ofisə gəldilər və nişanı verdikdən sonra dedilər ki, işçisinə çəkiliş üçün “hörmət” etməliyəm.
Mən pul vermək istəməsəm də, söz-söhbət uzandı və sonda məndən 240 manat pul aldılar. Daha sonra dedi ki, sizə nişanı gətirən zaman yolda maşınları vurulub və 100 manat da əlavə aldılar”.
R.Qədirov bildirib ki, H.İbrahim başqa-başqa nömrələrdən zəng edərək pul tələb edib:
“Telefonda öz adi ilə danışırdı, amma ofisə gələn zaman başqa adla özünü təqdim edirdi. Məndən dəfələrlə pul istəsələr də vermədim. Daha sonra şantaj məqsədli məqalələr yazdılar. Onun çıxarılması üçün 240 manat və ayrı-ayrı vaxtlarda iki dəfə 150 manat pul istədilər. Yazının silinməsi üçün onların kart hesablarına pul yolladım”.
Qeyd edək ki, H.İbrahim Bakıda həkimi şantaj etdiyi üçün həbs edilib.