Ərdoğan BMT-də islahata çağırıb: “Bəşəriyyəti 5 ölkə arasında tələyə salan nizam sabit deyil”

Türkiyə Prezidenti Rəcəb Tayyib Ərdoğan BMT Təhlükəsizlik Şurasında təcili “inklüziv və hərtərəfli” islahatlara çağırıb.

Bu barədə “Anadolu” Agentliyi xəbər verib.

Paytaxt Ankarada xarici ölkələrin səfirləri və diplomatları ilə iftar süfrəsində çıxış edən Türkiyə Prezidenti bildirib ki, bəşəriyyətin taleyini beş ölkə ilə məhdudlaşdırılması sabit deyil.

“Bəşəriyyətin taleyini 5 ölkənin dodaqları arasında tələyə salan hazırkı nizam sabit deyil. BMT Təhlükəsizlik Şurasının inklüziv və hərtərəfli anlayışla islahat edilməsi zəruridir”, – Ərdoğan qeyd edib.

Ukraynadakı müharibədən danışan Ərdoğan hər iki tərəfə şərəfli çıxış əldə etməyə və regionu onun cəlb olunduğu burulğandan çıxarmağa imkan verəcək ədalətli sülhün qorunub saxlanılmasının mümkünlüyünə əminliyini ifadə edib.

Qeyd edək ki, yalnız Fransa, ABŞ, Çin, Böyük Britaniya və Rusiyanın BMT-də veto hüququ var. Rusiya qoşunlarının Ukraynadan çıxarılmasını tələb edən qətnaməyə veto qoyub.