Məktəbəhazırlıq qrupları üzrə tətil günləri açıqlanıb

Məktəbəhazırlıq qruplarında məşğələlər hər il oktyabrın 1-də başlayır və növbəti il mayın 31-də başa çatır.

Bu barədə Elm və Təhsil Nazirliyinin dövlət ümumi təhsil müəssisələrində yaradılan məktəbəhazırlıq qruplarının 2022-2023-cü tədris ili üçün tədris (məşğələ) planının təsdiqi barədə əmrində bildirilib.

Qeyd olunub ki, dərs ili iki yarımilə bölünür:

I yarımil: 1 oktyabr - 26 yanvar;

II yarımil: 1 fevral - 31 may.

Bildirilib ki, dərs ili ərzində aşağıdakı tətillər müəyyən olunur:

payız tətili: 16-20 noyabr (5 gün);

qış tətili: 27-31 yanvar (5 gün);

əlavə tətil: 1-5 may (5 gün).