Xəbər Lenti
Dünən, 08:59
Qəbələ Dövlət Peşə Təhsil Mərkəzində qısamüddətli təlimləri bitirən müdavimlərə sertifikat təqdim olunub
22-08-2025, 15:00
"Ulusestv.az" internet televiziyasının şöbə müdiri Anar İsayevin 51 yaşı tamam olur
21-08-2025, 11:30
Gəncə Şəhər İcra Hakimiyyətinin Başçısı Niyazi Bayramov: “Dövlətə və Dövlətçiliyə Sədaqət Andı”
19-08-2025, 17:01
Məhəmədlidə qanunsuz tikilən evlər necə kreditlə satılır….Hansı məmur “makler”ləri himayə edir? -Videofakt
“Polisin qarşısına kütləvi cərimələmə niyyəti qoyulmayıb”
“Sosial şəbəkələrdə bəzi şəxslər infeksiya riskinin yüksək olduğu qapalı məkanlarda polisin həyata keçirdiyi tədbirləri qınaq hədəfinə çevirməyə çalışırlar”.
Bunu DİN-in Mətbuat Xidmətinin şöbə rəisi Elşad Hacıyev deyib. Onun sözlərinə görə, Nazirlər Kabineti yanında Operativ Qərargahın normalarına əsasən, qapalı məkanlarda tibbi maskadan istifadə məcburiyyəti qalmaqdadır: “Karantin qaydalarına uyğun olaraq, polis tərəfindən nəzarət-profilaktik tədbirlər davam etdirilir. Tədbirlər çərçivəsində polis minlərlə vətəndaşla, sahibkarlıq subyektləri ilə gündəlik iş aparır. Müşahidə olunan odur ki, qanunla müəyyən olunan tələblərə hələ də etinasız yanaşan şəxslər var. Ancaq nəzərə alaq ki, polisin qarşısına kütləvi olaraq vətəndaşları cərimələmək kimi niyyət qoyulmayıb”.
DİN rəsmisi əlavə edib ki, qapalı məkanlarda tibbi maskadan istifadə etməyən, yaxud düzgün istifadə etməyən şəxslər var: “Onların hər biri barəsində kütləvi cərimələnmə həyata keçirilmir. Ancaq bu haldan sui-istifadə edən, insanların həyat və sağlamlığına məsuliyyətsiz yanaşan şəxslərə rast gəlinir. Bir daha vətəndaşlardan xahiş edirik ki, infeksiya riskinin yüksək olduğu qapalı məkanlarda fiziki məsafə, tibbi maskadan istifadəyə ciddi riayət etsinlər”.
Qeyd edək ki, dünən Bakıdakı iri ticarət mərkəzlərindən birində bloqer Hüseyn Həsənovla keçirilən görüş zamanı izdiham yaşanmış, vətəndaşlar qapalı məkanda tibbi maskadan istifadə etməmişdi.