“Google” süni intellekti kosmosa çıxardı

“Google” süni intellekt avadanlıqlarını kosmosda sınaqdan keçirmək üçün “Project Suncatcher” çərçivəsində ilk prototip peykini orbitə çıxarıb.

“Qafqazinfo” xəbər verir ki, peyk “SpaceX”in “Transporter-18” missiyası çərçivəsində Kaliforniyadakı Vandenberq Kosmik Qüvvələr Bazasından buraxılıb.

Şirkət bu missiya ilə məlumat mərkəzi səviyyəli süni intellekt emalının aşağı Yer orbitində mümkün olub-olmadığını yoxlayacaq. Peykin əsas məqsədlərindən biri çiplərin kosmosun radiasiya və digər ekstremal şərtlərinə davamlılığını, eləcə də, soyutma imkanlarını sınaqdan keçirməkdir.

“Google” gələcəkdə Günəş enerjisindən istifadə edən orbital məlumat mərkəzləri yaratmağı və süni intellekt infrastrukturunu kosmosda genişləndirməyi hədəfləyir.