Ağdaş şəhər 4 nömrəli uşaq bağçasında “Payız möcüzələri” adlı möhtəşəm tədbir keçirilib.
MEHMAN QƏHRƏMANOVA AĞIR İTKİ ÜZ VERİB – ƏMİSİ MİRİD QƏHRƏMANOV VƏFAT EDİB. ALLAH RƏHMƏT ELƏSİN!
Yeni Azərbaycan Partiyası - Dünənin tarixi zərurətindən sabahın güclü Azərbaycanına doğru
KOTANAXR KƏNDİNİN TANINMIŞ SİMASI ƏLİ QARAKİŞİ OĞLUNUN ƏZİZ XATİRƏSİNƏ DƏRİN HÖRMƏTLƏ BAŞSAĞLIĞI
VƏKİLLİK İNSTİTUTU HÜQUQİ DÖVLƏTİN SÜTUNUDUR: PEŞƏ NÜFUZU, ƏDALƏT VƏ İNSAN HÜQUQLARI ETİBARI QORUNMALIDIR!
"YAP-ın yaranması ölkənin siyasi gələcəyinə hesablanmış qərar idi" - DEPUTAT DANIŞDI
İLHAMƏ ABDULLAYEVA – TƏHSİL SAHƏSİNDƏ TOPLADIĞI ZƏNGİN TƏCRÜBƏ, PEŞƏKARLIQ VƏ MƏSULİYYƏTİ İLƏ YENİ MƏRHƏLƏYƏ DOĞRU!
Azərbaycan–Vyetnam münasibətlərində yeni mərhələ: strateji tərəfdaşlığın real iqtisadi nəticələrə çevrilməsi
“Prezidentin Vyetnama səfəri siyasi kursun möhkəmləndirilməsində əlamətdar mərhələdir”
“Ağ pələng”in izi ilə - Prezident İlham Əliyev 43 illik siyasi irsə yeni məzmun qazandırır
4 saylı Magistral avtomobil yollarının istismarı MMC Müşfiq qəsəbəsində yol və infrastruktur problemlərinin həlli istiqamətində mühüm işlər görür
“Kibermühitdə bu günün şifrəli sirr tarixçəsi sabahın açıq kitabıdır” - DTX-nin rəis müavini
REYTİNQ NAMİNƏ İNSAN DƏRDİNƏ DƏYMƏYİN!
Səhərdən bu xəbərlərə baxıram və bu günkü jurnalistika adına, açığı, xəcalət çəkirəm.
Tanıdığım, universitetdə qrup yoldaşım olmuş aparıcı Kamilə Babayevanın anasının vəfatı ilə bağlı yayılan bəzi başlıqlar nəinki jurnalistika prinsiplərinə, heç insanlığa da sığmır. “Filan ünvanda aşkarlanan tənha qadın meyiti tanınmış aparıcının anası imiş” tipli başlıqlar yazmaq hansı jurnalistika meyarına uyğundur? Üstəlik, şərhlərdə insanların ağlına və ağzına gələni yazması...
Mən Kamilənin anasını şəxsən tanıyırdım. Çox gözəl, ziyalı, mədəni bir qadın idi. Muzeydə çalışırdı. Əslən Bakının Balaxanı kəndindən idi. Kamilənin atası isə o hələ 5 yaşında olarkən avtomobil qəzasında dünyasını dəyişmişdi. Anası gənc yaşında tək qalmış, bir daha ailə qurmamış, bütün həyatını qızını böyütməyə həsr etmişdi.
Ana-bala bir-birinə çox bağlı idi. Kamilə də övlad kimi həmişə anasına dayaq olub. Hələ tələbəlik illərindən işləyib, anasına dəstək verib. Anasına biganə olan bir övlad olmayıb.
Və ən əsası: bu qadın xəstə yatağında deyildi. Yataq xəstəsi deyildi. Ürəyinin qəfil dayanması nəticəsində dünyasını dəyişib. Bəli, müəyyən yaşdan sonra insanın təzyiq problemi, ürək problemi ola bilər. Bu, həyatın öz reallığıdır.
Ana öz evində, Kamilə isə öz evində yaşayırdı. Kamilə hər gün anasına baş çəkirmiş. Hər insanın hər an anasının yanında olması mümkündürmü? Guya bütün övladlar gecə-gündüz yaşlı valideynləri ilə eyni evdə yaşayırlar?
Sabah mənim də övladlarım ayrı evdə yaşasa, mən də qəfil yıxılıb dünyamı dəyişsəm, bu, avtomatik olaraq “baxımsızlıqdan öldü” demək olacaq?
Ayıbdır!
İnsanların ən ağır gününü reytinq naminə sensasiyaya çevirməyin. Hər xəbərin arxasında bir ailə, bir ömür, bir ana, bir övlad var.
İmkan verin insanlar dərdlərini çəksinlər. İmkan verin Kamilə anasının itkisini sakitcə yaşasın. Onsuz da ana itkisi insanın həyatında ən ağır yaralardan biridir.
Kamilə, sənə səbir diləyirəm. Ananı yaxşı tanıyırdım. Həqiqətən çox əqidəli, gözəl, ziyalı və ləyaqətli qadın idi.
Allah rəhmət eləsin. Ruhu şad, məkanı cənnət olsun.
Şəfəq Ağacan























































