Səhər bu 5 qaydaya əməl edin, gününüz tam dəyişsin

Mütəxəssislər günə daha yaxşı başlamağın yollarını açıqlayıblar.

Sehiyye.info xəbər verir ki, psixoloqlar və davranış üzrə mütəxəssislər səhər saatlarında formalaşan vərdişlərin insanın gün ərzindəki əhvalına və emosional vəziyyətinə ciddi təsir göstərdiyini bildirirlər.

Onların fikrincə, oyandıqdan sonra özünü yorğun, əsəbi və ya narahat hiss edən insanlar bir neçə sadə addımla vəziyyəti yaxşılaşdıra bilərlər.

Mütəxəssislər yeni vərdişləri birdən-birə həyat tərzinə daxil etməyə çalışmamağı tövsiyə edirlər. Bunun əvəzinə səhər rutinlərinə qısa meditasiya, mütaliə, fiziki hərəkətlər və ya təbiəti izləmək kimi kiçik fəaliyyətlər əlavə etmək daha effektiv hesab olunur.

Eyni zamanda, oyanan kimi telefona baxmağın stress səviyyəsini artırdığı vurğulanır. Xəbərlərin, mesajların və sosial şəbəkələrin yoxlanılması günə mənfi təsirlə başlamağa səbəb ola bilər. Buna görə mütəxəssislər telefonun yataq otağından kənarda saxlanılmasını məsləhət görürlər.

Psixoloqlar daxili dialoqa da diqqət yetirməyi vacib sayırlar. Özünü tənqid etmək və ya qarşıdakı işlərlə bağlı mənfi düşüncələr qurmaq əvəzinə, insanın özünə dəstək verən ifadələrdən istifadə etməsi tövsiyə olunur.

Araşdırmalar göstərir ki, yaxın insanlarla qısa ünsiyyət, mesajlaşma və ya onlar haqqında xoş düşüncələr də əhval-ruhiyyəni yaxşılaşdırır.

Mütəxəssislərin fikrincə, günə minnətdarlıq hissi ilə başlamaq da psixoloji sağlamlığa müsbət təsir göstərir. Ailə, sağlamlıq, iş və ya həyatdakı digər müsbət məqamlar haqqında düşünmək insanın diqqətini neqativdən uzaqlaşdırır və günə daha pozitiv köklənməsinə kömək edir.//nevs24