Ümidə çevrilən həyat yolları – Arif Əzizovun insanlara xidmət missiyası

İnsan həyatının ən qiymətli neməti sağlamlıqdır. Bu nemətin qorunması isə yalnız bilik və bacarıqla deyil, həm də ürəkdən gələn mərhəmət, səbir və insan sevgisi ilə mümkündür. Səhiyyə işçiləri məhz bu ali dəyərləri öz fəaliyyətlərində birləşdirərək cəmiyyətin sağlam gələcəyini formalaşdırırlar. Hər il 17 iyun – Səhiyyə İşçilərinin Peşə Bayramı Günü bu fədakar insanların zəhmətinə verilən yüksək qiymətin təcəssümüdür.

Şəmkir rayonunda fəaliyyət göstərən Zəyəm Tibb Mərkəzi bölgə əhalisinin sağlamlığının qorunmasında mühüm rol oynayan səhiyyə ocaqlarından biridir. Bu mərkəzdə çalışan tibb işçiləri gündəlik olaraq yüzlərlə insana xidmət göstərir, onların sağlam həyata qovuşması üçün yorulmadan çalışırlar.

Bu kollektivin nümunəvi üzvlərindən biri də həkim Arif Əzizov-dur. O, uzun illərdir səhiyyə sahəsində göstərdiyi fədakar fəaliyyəti ilə pasiyentlərin dərin hörmətini qazanmış, insanlara qayğı və diqqəti ilə seçilən bir həkim kimi tanınmışdır. Onun işində əsas prinsip hər bir insan həyatına dəyər vermək, xəstəyə təkcə tibbi baxımdan deyil, həm də mənəvi dəstək göstərməkdir.

Həkimlik Arif Əzizov üçün sadəcə bir peşə deyil, insanların ağrısını azaltmaq və onlara ümid vermək missiyasıdır. O, hər bir pasiyenti diqqətlə dinləyir, dəqiq diaqnostika və düzgün müalicə prinsiplərinə əsaslanaraq onların sağlamlığı üçün əlindən gələni edir. Bu yanaşma onun peşəkarlığını və insanlara olan səmimi münasibətini aydın şəkildə göstərir.

Azərbaycan səhiyyəsi son illərdə böyük inkişaf yolu keçmişdir. Dövlət tərəfindən səhiyyə infrastrukturunun yenilənməsi, müasir tibbi avadanlıqların tətbiqi və regionlarda tibb müəssisələrinin gücləndirilməsi bu sahənin inkişafına mühüm töhfə vermişdir. Bu prosesdə Şəmkir kimi bölgələrdə fəaliyyət göstərən tibb mərkəzlərinin rolu xüsusilə böyükdür. Çünki kənd və rayon əhalisinin sağlamlıq ehtiyacları ilk növbədə bu müəssisələrdə qarşılanır.

Arif Əzizov kimi həkimlərin fəaliyyəti bu sistemin dayanıqlığını və etibarlılığını daha da gücləndirir. Onların fədakarlığı sayəsində insanlar sağlamlıqlarına qovuşur, ailələr sevincə bürünür və cəmiyyət daha güclü olur.

Səhiyyə işçilərinin işi bəzən görünməz, lakin nəticəsi hər kəsin həyatında hiss olunan bir missiyadır. Hər sağalan xəstə, hər xilas edilən həyat və hər bərpa olunan ümid bu fədakarlığın bariz nümunəsidir. Arif Əzizov da bu müqəddəs yolun ləyaqətli davamçılarından biridir.

17 İyun – Səhiyyə İşçilərinin Peşə Bayramı Günü münasibətilə Zəyəm Tibb Mərkəzi kollektivini və həkim Arif Əzizovu səmimi qəlbdən təbrik edir, onlara möhkəm cansağlığı, ailə xoşbəxtliyi, şərəfli fəaliyyətlərində uğurlar və insanlara xidmət yolunda yeni nailiyyətlər arzulayırıq. Bayramınız mübarək!

Fərid Faiqoğlu

Azərbaycan Jurnalistlər Birliyinin üzvü,

“Qızıl qələm” mükafatçısı,

Azərbaycan Vətən Müharibəsi Veteranları İB-nin fəxri üzvü