Elin dualarında yaşayan ömür: Ağa İlqar Kazımovun nəcib missiyası

Dünyada hər şey gəldi-gedərdir, amma insandan geriyə qalan, yaddaşlara həkk olunan yalnız onun xeyirxah əməlləri, bir də ehtiyacı olan kimsələrə uzatdığı təmənnasız kömək əlidir. Bu gün Lənkəranın Osakücə elində, eləcə də ətraf kəndlərdə adı hörmətlə, ehtiramla çəkilən bir insan var: Ağa İlqar Kazımov. O, təkcə xeyriyyəçi deyil, həm də mənəvi dəyərlərimizin, humanist təşəbbüslərin yorulmaz daşıyıcısı və hamisidir.

​Ağa İlqar Kazımov növbəti dəfə öz nəcib missiyasını yerinə yetirərək, böyük bir insanpərvərlik nümunəsi nümayiş etdirib. Həmin günlərdə iş qrafiki ilə əlaqədar kənddə ola bilməsə də, onun böyük ürəyi, el-obaya olan tükənməz sevgisi və birbaşa maliyyə dəstəyi sayəsində bu xeyirxah təşəbbüs yüksək səviyyədə baş tutub. O, məsafələrin xeyirxahlığa mane ola bilməyəcəyini bir daha sübut edərək, Osakücə ərazi dairəsi üzrə icra nümayəndəsi Ramin Dövlətovun təşkilatçılığı ilə birgə, kənd sakinlərinin ürəyinə yol tapan növbəti xeyriyyə tədbirini reallaşdırıb.

​Şəhid Ailələri – Bizim Baş Tacımızdır!

​Ağa İlqar Kazımovun bu nəcib addımının ən ali və duyğulu məqamı Vətən uğrunda canını fəda etmiş, bizlərə bu gün sülh və qələbə sevinci bəxş edən qəhrəman şəhidlərimizin ailələrini yad etmək oldu. Onun ayırdığı diqqət və dəstək sayəsində hər bir şəhid ocağının qayğıları və ehtiyacları ilə yaxından maraqlanılıb.

​Şəhid ailələrinə göstərilən bu xüsusi diqqət sadəcə bir yardım deyil, onların müqəddəs xatirəsi qarşısında baş əymək, "Siz tək deyilsiniz, harada olmasından asılı olmayaraq, bu elin fədakar oğulları hər zaman yanınızdadır" ismarıcını vermək idi.

​Aztəminatlı Ailələrə Ümid və Sevinç Payı

​Bu savab missiyanın digər bir qolu isə kənddə yaşayan, dəstəyə ehtiyacı olan aztəminatlı ailələri əhatə etdi. Müqəddəs Qurban bayramı günlərində Ağa İlqar Kazımovun tam maliyyə dəstəyi ilə qurbanlar kəsildi və paylar hər bir ehtiyac sahibi ailəyə çatdırıldı. Bu humanist addım ailələrin süfrələrinə bərəkət, qəlblərinə isə əsl bayram sevinci bəxş etdi. Çünki Ağa İlqar Kazımov yaxşı bilir ki, əsl zənginlik və insanlıq paylaşmağı bacaran qəlbdədir.

​"Ağa İlqarın özü kənddə olmasa da, xeyirxah əli, dayağı hər zaman üzərimizdədir. Onun bu dəstəyi kəndimizə ruzi, ümid və təbəssüm gətirdi," – deyə kənd sakinləri öz dərin minnətdarlıqlarını ifadə ediblər.

​Sözardı

​Bu cür addımlar cəmiyyətdə həmrəylik, xeyriyyəçilik və birliyin ən gözəl aynasıdır. Göstərdiyi yüksək təşkilatçılığa və koordinasiyaya görə icra nümayəndəsi Ramin Dövlətova və özü kənddə olmasa da, bütün maliyyə yükünü öz üzərinə götürərək doğma torpağın insanlarına hər zaman dayaq olan Ağa İlqar Kazımova sonsuz təşəkkürlər düşür.

​Elin duası mənzilə yetişər, deyirlər. Uca Tanrı kəsilən qurbanları, edilən duaları və bu nəcib yolda atılan hər bir addımı qəbul eləsin!

Zahid Həbiboğlu, müstəqil araşdırmaçı, AJB- nin üzvü