Əhəd Abıyev bir ildə ikinci qardaşını itirdi

Daşkəsən rayonunun sabiq icra başçısı, keçmiş deputat Əhəd Abıyevə ağır itki üz verib.

“Qafqazinfo”nun əldə etdiyi məlumata görə, onun qardaşı Qadir Abıyev vəfat edib.

Əhəd Abıyev saytımıza bildirib ki, qardaşı bir neçə gün öncə səhhətindəki problemlə bağlı xəstəxanaya yerləşdirilibmiş:

“Üç gün əvvəl ürəyində yaranan qəfil ağrılarla bağlı Mərkəzi Gömrük Hospitalına yerləşdirdik. Həkimlərin bütün səylərinə baxmayaraq qardaşım bu gün vəfat etdi”.

Qeyd edək ki, mərhum sabah Qurd Qapısı qəbiristanlığında dəfn olunacaq.

Əlavə edək ki, polkovnik Qadir Abıyev uzun illər gömrük orqanlarında çalışıb.

Xatırladaq ki, Ə. Abıyevin bu ilin əvvəli digər qardaşı Nadir Abıyev də vəfat etmişdi.