ABŞ-İran müharibəsi bitir? - 15 bəndlik plan

ABŞ münaqişəyə son qoymaq üçün İrana 15 bəndlik plan təqdim edib.

“Qafqazinfo” xəbər verir ki, bu iddia ilə “New York Times” nəşri çıxış edib.

Nəşrin məlumatına görə, Pakistanın vasitəçiliyi ilə təqdim edilən plan İranın nüvə və raket proqramlarının məhdudlaşdırılmasını, regiondakı qruplaşmalara dəstəyinin dayandırılmasını, Hörmüz boğazında sərbəst gəmiçiliyin təmin edilməsini, həmçinin danışıqlar aparılması üçün 1-2 aylıq atəşkəs elan edilməsini nəzərdə tutur. Bu şərtlərin yerinə yetirilməsi müqabilində ABŞ-nin İrana qarşı neft və maliyyə sanksiyalarının qismən aradan qaldırılmasını, həmçinin aktivlərin bir hissəsinin dondurulmasının ləğv edilməsini təklif etməyə hazır olduğu güman edilir. Bundan əlavə, İran üçün iqtisadi stimullar - dünya bazarlarına çıxış, investisiyalar və mülki nüvə energetikasının inkişafına dəstək imkanı nəzərdən keçirilir. 

Bununla belə, İran tərəfinin danışıqlarla bağlı əvvəlki təcrübəni əsas gətirərək Vaşinqtona etibar etmədiyi bildirib.

İddia olunur ki, İran rəsmiləri ABŞ Prezidenti Donald Trampın elçiləri Stiven Uitkoff və Cared Kuşnerlə işləmək istəmədiklərini, indiki halda ABŞ vitse-prezidenti Ceyms Devid Vens ilə dialoq aparmağa üstünlük verdiklərini ifadə ediblər.