Alim aqronom: Yaşıllaşdırma Təsərrüfatı Birliyində “yaşıl biznes” qurulub

Son zamanlar Bakı Şəhər Yaşıllaşdırma Təsərrüfatı Birliyi ilə bağlı mediada çoxsaylı məlumatlar dərc olunur. Qurumun keçmiş əməkdaşı, Azərbaycan Milli Elmlər Akademiyasının Dendrologiya İnstitutunda baş aqronom işləmiş Alim Xanəhməd Əsgərov redaksiyamızla əlaqə saxlayaraq bir çox faktları üzə çıxarıb.

Məsələ ilə bağlı Tribuna.az-a açıqlama verən Əsgərov Xanəhməd Əli oğlu bildirib ki, Su Quyuların Təmiri və İstismarı İdarəsinə dövlətimiz tərəfindən təyinatı üzrə yaşıllaşdırma, suvarılma və lazimi ləvazimatların alınması üçün 3 milyon 302 min manat pul ayrılıb. Buna baxmayaraq heç biri quyu qazdırılmayıb. Yaşar Salahovun şəxsi şirkəti olan “Yaşıl Çinar MMC”-yə ödənişləri köçürərək dövlətin ayırdığı pulları mənimsəyirlər. Mirdaməd Seyidov Yaşar Salahovu müvan təyin edib. Bu idarəyə gələndən Yaşıllaşdırma Təsərrüfatı Birliyi bitki müalicəsi şöbəsi var. Vətəndaşlar tərəfindən müraciət olanda onlara ünvanlanır. Yaşıl ağacların kəsilməsində çox pul olduğuna görə bu vəzifəni o vaxtdan Yaşar Salahova verib. Gecə-gündüz oğurluqla kəsilən ağacları Mirdaməd Seyidov Yaşar Salahovun əli ilə qazanır. Yaşar Salahov Mirdaməd Seyidovun “qara kassas”ıdır. Yoxlama aparılıb, 7 milyon 600 min manat yeyinti aşkarlanıb. Heç bir nəticə də əldə edilməyib. 2 ay 15 gün yoxlama olur, istisna hallarda 3 ay da ola bilər. 3 aydan artıq yoxlama varsa, hüquq-mühafizə orqanları işə cəlb edilməlidir. Niyə onlara məlumat verilmir? Belə çıxır ki, maliyyə naziri öz haqqını alıb. Bakı şəhəri Yaşıllaşdırma Təsərrüfatı Birliyinin nəzdində Su Quyuları İstismarı və Təmiri İdarəsi var. Həmin idarənin rəisi Yaşar Salahov olub və indi də həmin idarəyə Yaşar Salahov rəhbərlik edir, başqa adam təyin etməyiblər.

Xanəhməd Əsgərovun sözlərinə görə, Su quyuları və artizan quyularının qazılması və ağac kəsdirməni Mirdaməd Seyidov qeyri-leqal şəkildə bitki müalicəsi şöbəsinin əlindən alıb Yaşar Salahova verib. Həmin maşınlar da ona verilib. Mirdaməd Seyidov orada baş direktordur. Mirdaməd Seyidov işdən çıxmayıb. Çünki M. Seyidov Yaşarı vəzifəyə gətirib. Onlar ikisi bir adamdırlar. Orada da tender keçiriblər və Bakı şəhərində ağacların kəsilməsi, üçün su quyularının qazılması, təyinatı üzrə 3 milyon 302 min manat pul ayrılıb. Ancaq bu pul ortada yoxdur. Bir dənə də quyu yoxdur. Mirdaməd Seyidov özü hərbçidir.

Nizami rayonunun komissarı işləyib. Yaşarla əlbir olaraq bütün oğurluqları bərabər edirlər. Yaşıllaşdırma Təsərrüfatının nəzdində ağac-bəzək bitkiləri savxozu var. Həmin savxozun işi ondan ibarətdir ki, Bakı şəhərinə lazım olan gülü, çiçəyi əkib, becərib vermək. Ancaq bunlar tender edərək gülü, çiçəyi pulsuz götürürlər ayrı yerdən guya aldılar kimi qələmə verirlər. Dövlətin büdcəsini bu yolla talayırlar. Qurumdan mənə məktub gəlib və Mirdaməd Seyidov mənə yazıb: “Sənin dediyin faktların heç biri doğru deyil”. Mən baş prokurorluğa belə müraciət edirəm. Demişəm ki, 3 milyondan çox pul oğurlanıb. Prokuror müəyyən səbəblərdən oranı yoxlaya bilmədiyini dedi. Hətta Ekologiya Nazirliyinə də məsələ ilə bağlı müraciət etdim. Nazirin birinci müavini ilə görüşdüm. Mənə bildirdilər ki, “ora biz yox, Eldar Əzizov baxır”. Eyni zamanda mən Mehriban xanıma da müraciət etdim. Bir müddətdən sonra mənə Yaşıllaşdırmadan mənə məktub gəlir ki, “Sizin Bakı şəhəri İcra Hakimiyyətinə olan müraciətinizə Yaşıllaşdırma İdarəsində baxılıbdır”. Yəni, oğurluq edən təsərrüfat mənim şikayətimə baxır. Prezident deyir ki, şikayət olunan ünvana şikayətçinin məktubunu göndərməyin, araşdırın. Əgər mənim qurum haqqında dediklərim yalandırsa, iş qaldırın. Yalan olsaydı, mənim torbamı indiyə qədər tikmişdilər. Həmin ağac-bəzək savxozunda bir sexi mən yaratmışdım. İlə 3 milyon bitki yetişdirirdim. İndi heç 300 min də yetişdirə bilmirlər. Mən bu qanunsuzluqları dövlətimizə, dövlətçiliyimizə, Prezidentə dəstək olmağa görə işıqlandırıram. Çünki dövlətin büdcəsini talayırlar. Xırdalıqları ölkə başçısına çatdırmırlar. Prezident Administrasiyasında Süleyman İsmayılov var, məktublar şöbəsinin müdiridir. S. İsmayılov orada alver edir və məktubları itirir.

Sonda Xanəhməd Əsgərov bildirib ki, qurumda ali təhsili olmayan gənc qadınlar işlə təmin olunur. Belə ki, Yaşıllaşdırma Təssərrüfatı Birliyin müavini vəzifəsini müvəqqəti icra edən Yaşar Salahov şəxsi “tanlşlarını” mütəxəssis adıyla işə qəbul etdirir. Onlardan biri də qurumun mətbuat katibi Nərmin adlı xanımdır.

Məsələ ilə bağlı Bakı şəhər İcra Hakimiyyətinin Mətbuat Xidməti ilə dəfələrlə əlaqə saxlamağa çalışsaq da cəhdlərimiz boşa çıxdı, sorğularımız cavabsız qaldı.

Tərəflərin mövqelərini işıqlandırmağa hazırıq.

Dəniz Pənahova