Qərbi Azərbaycan Amasiya rayonu Quzukənd icmasında «Xatirə gecəsi» keçirildi.

Xezertv.info xəbər verir ki, Qərbi Azərbaycan Amasiya rayonu Quzukənd ismasının “Xatirə gecəsi” keçirildi. Tədbirin təşkilatçıları Quzukənd icma sədri Fətullah Abdullayev, Aşır Daşdəmirov, Firiddin Nəsibov idi. Tədbir Xətai rayonunda yerləşən “Mübarək” restoranında təşkil olundu. Qərbi Azərbaycan icmasının Amasiya rayonu üzrə koordinatoru Əhməd Rzayev, Amasiya rayon icmasının sədr müavini Elmar Hüseynov, Ellərkənd icmasından Bəylər Qurbanov, Hüsaməddin Cəfərov, Zakir Mustafayev, Amasiya rayon icmasının Koordinatoru Emil Əliyev tədbirdə iştirak etdilər. “Xatirə gecəsi”-ndə 120 nəfər Quzukənd icmasının fəalları, həkimlər, jurnalistlər, şairlər, ziyalılar Ağsaqqal və Ağbirçəklər və onların ailə üzvləri iştirak edirdi. “Xatirə gecəsi’-nin açılışı Şəhidlərin əziz xatirəsini 1 dəqiqəlik sükutla yad etməklə başlandı. Amasiya rayonu Quzukənd kəndinin icma sədri Fətillah Abdullayev geniş və ətraflı çıxış etdi. Tədbirə aparıcılıq edən Aşırəli Daşdəmirov Quzukəndin tarixi, ziyalıları, həkimləri, iş adamları haqqında çıxış etdi. O, Quzukənd sakinlərinin  hal-hazırda Azərbaycanda, Gürcüstanda, Türkiyədə, Rusiyada, Qazaxstanda məskunlaşaraq yaşadıqlarının bildirdi.

Qərbi Azərbaycan İcmasının Amasiya rayonu üzrə Koordinatoru Əhməd Rzayev çıxış edərək İcmanın fəaliyyəti, sədr Əziz Ələkbərlinin tövsiyyə və göstərişlərini bildirdi. Amasiya rayon icmasının sədr müavini Elmar Hüseynov öz çıxışında Amasiya rayon icmasının sədri Abel Məhərrəmovun salamlarını kəndin sakinlərinə çatdırdı. Güllücə kənd fəalı Bəylər Qurbanov Güllücə kəndinin sakinlərinin salamlarını Quzukəndlilərə çatdırdı. Digər çıxış edənlər riyaziyyat müəllimi Haşımov Alim, fizika-riyaziyyat müəllimi Vahid Tanrıverdi,

onkoloji həkim Əlövsət doktor, onkoloji ümumi cərrah Niyazi Eminov, tarix müəllimi Ramil Tanrıverdi, şair Etibar Qərib,

ehtiyatda olan polkovnik leytenant Əsgərov Surxay Quzukənd haqqında öz şirin xatirələrinin danışdılar. Tədbirdə Ağbaba mahalına aid musiqilər səsləndi, Quzukənd sakinləri halay tutaraq Ağbaba yallısını rəqs etdilər. Tədbirdə  xatirə şəkilləri çəkdirdilər.

Fərid Faiqoğlu