İspaniyada iki qatar toqquşub: Çox sayda ölən və yaralanan var

İspaniyanın Malaqa şəhərindən Madridə gedən yüksək sürətli qatar relsdən çıxaraq başqa yola keçib və qarşıdan gələn qatarla toqquşub. Qonşu yolda hərəkət edən ikinci qatar da toqquşmadan sonra relsdən çıxıb.

Oxu.Azbu barədə Rusiya KİV-ə istinadən xəbər verir.

İlkin məlumatlara görə, ağır qəza nəticəsində 24 nəfər ölüb, təxminən 100 nəfər yaralanıb. Ölənlər arasında qarşıdan gələn qatarın maşinistinin də olduğu bildirilir. 25 nəfərin vəziyyətinin ağır olduğu qeyd edilir.

İspaniya KİV-in yazdığına görə, iki qatarda 400-dən çox sərnişin olub.

Qeyd edək ki, daha əvvəl İspaniyada iki sürət qatarının relsdən çıxması nəticəsində ən azı beş nəfərin öldüyü, bir neçə nəfərin yaralandığı bildirilirdi.