Zəhmət, məsuliyyət və xalqına xidmət nümunəsi – Fikrət İsmayılov

Azərbaycanın regionlarında ərzaq təhlükəsizliyinin təmin olunması, keyfiyyətli məhsul istehsalı və sosial məsuliyyət prinsiplərinin qorunması bu gün dövlət siyasətinin əsas istiqamətlərindəndir. Məhz bu mühüm sahədə nümunəvi fəaliyyəti ilə seçilən insanlardan biri də “Göyçay-çörək” ASC-nin rəhbəri Fikrət İsmayılovdur. O, uzun illərdir ki, zəhmətkeşliyi, işinə məsuliyyətli yanaşması və insanlara qayğıkeş münasibəti ilə həm kollektivin, həm də ictimaiyyətin hörmətini qazanmışdır.

Fikrət İsmayılov rəhbərlik etdiyi müəssisədə ilk növbədə keyfiyyət prinsipini əsas götürür. Çörək istehsalı hər bir ailənin gündəlik süfrəsinin ayrılmaz hissəsi olduğundan, bu sahədə məsuliyyət ikiqatdır. Məhz bu məsuliyyəti dərindən dərk edən Fikrət müəllim istehsal prosesində müasir texnologiyaların tətbiqinə, gigiyena və sanitar normalarına ciddi nəzarət edilməsinə xüsusi diqqət yetirir. Onun rəhbərliyi altında “Göyçay-çörək” ASC təkcə rayonda deyil, ətraf bölgələrdə də etibarlı və keyfiyyətli məhsulu ilə tanınır.

Fikrət İsmayılovun fəaliyyəti yalnız istehsalla məhdudlaşmır. O, hər zaman sosial məsuliyyət anlayışını ön planda saxlayaraq, aztəminatlı ailələrə, şəhid ailələrinə və ehtiyac sahiblərinə yardım göstərilməsini vacib hesab edir. Onun təşəbbüsü ilə müxtəlif bayramlarda və əlamətdar günlərdə xeyriyyə aksiyaları keçirilir, insanlara təmənnasız dəstək göstərilir. Bu, Fikrət müəllimin insanpərvərliyinin və yüksək mənəvi keyfiyyətlərinin bariz nümunəsidir.

Ulu Öndər Heydər Əliyevin “İqtisadiyyatı güclü olan dövlət hər şeyə qadirdir” fikrini fəaliyyətində əsas şüar kimi qəbul edən Fikrət İsmayılov yerli istehsalın inkişafına xüsusi önəm verir. O, daim vurğulayır ki, güclü iqtisadiyyatın təməlində zəhmətkeş insanların əməyi, vicdanlı rəhbərlərin düzgün idarəçiliyi dayanır. Məhz bu baxış bucağı onun iş üslubunda özünü aydın şəkildə göstərir.

Fikrət İsmayılovun kollektivlə münasibətləri də xüsusi qeyd olunmalıdır. O, hər bir işçiyə dəyər verən, onların sosial rifahını düşünən rəhbərdir. Müəssisədə sağlam iş mühitinin formalaşdırılması, əməkhaqlarının vaxtında ödənilməsi, işçilərin təhlükəsizliyinin təmin olunması onun daim diqqət mərkəzindədir. Bu yanaşma isə kollektivdə birlik və həmrəylik mühitinin yaranmasına səbəb olmuşdur.

Dövlətə və dövlətçiliyə sədaqət Fikrət İsmayılovun həyat mövqeyinin əsasını təşkil edir. O, Prezident cənab İlham Əliyevin apardığı uğurlu daxili və xarici siyasəti dəstəkləyir, ölkəmizin davamlı inkişaf yolunda atılan addımları yüksək qiymətləndirir. Bu baxımdan onun fəaliyyəti Ulu Öndər Heydər Əliyevin müəyyənləşdirdiyi inkişaf strategiyasının davamı kimi dəyərləndirilə bilər.

Fikrət İsmayılov həm də milli-mənəvi dəyərlərimizə bağlı, vətənpərvər insandır. O, gənc nəslin sağlam ruhda böyüməsini, halal zəhmətlə qazanc əldə etməyin vacibliyini daim təbliğ edir. Onun həyat yolu gənclər üçün əsl örnəkdir: zəhmət, dürüstlük və məsuliyyət insanı həmişə ucaldır.

Sonda fürsətdən istifadə edərək, “Göyçay-çörək” ASC-nin rəhbəri Fikrət İsmayılovu və rəhbərlik etdiyi kollektivi 31 Dekabr – Dünya Azərbaycanlılarının Həmrəyliyi Günü və Yeni 2026-cı ilin gəlişi münasibətilə səmimi-qəlbdən təbrik edirik. Arzu edirik ki, yeni il hər birinizə möhkəm cansağlığı, ailə səadəti, işlərinizdə yeni uğurlar gətirsin. Qoy həmrəyliyimiz daim güclü olsun, dövlətimiz Ulu Öndər Heydər Əliyevin ideyaları əsasında daha da qüdrətlənsin. Bayramınız mübarək, Yeni iliniz bərəkətli və uğurlu olsun!

Fərid Faiqoğlu

AJB-nin üzvü