İş adamı Cəbrayıl Cəbrayılovdan Yeni 2026-cı il və 31 Dekabr – Dünya Azərbaycanlılarının Həmrəyliyi Günü münasibətilə səmimi təbrik

31 Dekabr – Dünya Azərbaycanlılarının Həmrəyliyi Günü və Yeni 2026-cı ilin gəlişi Azərbaycan xalqının həyatında xüsusi məna və önəm daşıyan əlamətdar tarixlərdəndir. Bu müqəddəs günlər milli birliyimizin, həmrəyliyimizin, Vətənə bağlılığımızın və gələcəyə olan inamımızın parlaq ifadəsidir. Məhz bu xoş fürsətdən istifadə edərək iş adamı Cəbrayıl Cəbrayılov Azərbaycan Respublikasının bütün xalqını, dünya azərbaycanlılarını bu əlamətdar bayramlar münasibətilə ürəkdən təbrik edir.

Dünya Azərbaycanlılarının Həmrəyliyi Günü xalqımızın tarixi yaddaşında milli birlik və azərbaycançılıq ideologiyasının təntənəsi kimi mühüm yer tutur. Bu əlamətdar günün ideya əsasları Ulu Öndər Heydər Əliyevin uzaqgörən siyasəti ilə formalaşmış, onun xalqımızın birlik və bərabərliyi naminə atdığı tarixi addımlar bu gün də böyük əhəmiyyət daşıyır. Məhz Ümummilli Lider Heydər Əliyevin müəyyən etdiyi azərbaycançılıq ideologiyası dünyanın müxtəlif ölkələrində yaşayan soydaşlarımızı bir amal ətrafında birləşdirmiş, milli kimliyimizin qorunub saxlanmasına güclü zəmin yaratmışdır.

Bu gün Ulu Öndərin siyasi kursu onun layiqli davamçısı, möhtərəm Prezidentimiz cənab İlham Əliyev tərəfindən uğurla davam etdirilir. Prezident İlham Əliyevin rəhbərliyi ilə Azərbaycan müstəqil, güclü və qalib dövlət kimi beynəlxalq arenada öz layiqli yerini daha da möhkəmləndirmişdir. Ölkəmizdə hökm sürən sabitlik, inkişaf və sosial rifah bu uğurlu siyasətin bariz nəticəsidir.

İş adamı Cəbrayıl Cəbrayılov qeyd edir ki, Yeni 2026-cı ilin gəlişi hər birimiz üçün yeni ümidlər, yeni hədəflər və yeni nailiyyətlər deməkdir. Qoy qarşıdan gələn il ölkəmizə daha çox uğur, sülh və əmin-amanlıq gətirsin. Bu günlərdə Vətənimizin müstəqilliyi və ərazi bütövlüyü uğrunda canlarından keçmiş şəhidlərimizi dərin ehtiramla yad edir, onların ailələrinə səbir və dözüm arzulayır. Qəhrəman qazilərimizə və müharibə veteranlarımıza isə möhkəm cansağlığı və uzun ömür diləyir.

Cəbrayıl Cəbrayılov bildirir ki, hər bir vətəndaşın üzərinə düşən əsas vəzifə ölkəmizin inkişafına öz töhfəsini vermək, milli həmrəyliyi qorumaq və gələcək nəsillərə güclü Azərbaycan miras qoymaqdır. O, yeni ildə bütün azərbaycanlılara ailə səadəti, firavanlıq, bol ruzi və xoş günlər arzulayır.

Yeni 2026-cı iliniz mübarək olsun! Qoy həmrəyliyimiz daim möhkəm, gələcəyimiz isə işıqlı olsun!