İş adamı Eldar müəllim: Prezident İlham Əliyev – Müzəffər Ali Baş Komandan, güclü dövlətin memarı

Müasir Azərbaycan dövlətinin inkişaf yoluna nəzər saldıqda bu yolun mərkəzində Prezident, Müzəffər Ali Baş Komandan cənab İlham Əliyevin qətiyyətli, uzaqgörən və milli maraqlara söykənən siyasəti dayanır. Onun rəhbərliyi ilə Azərbaycan təkcə regionun deyil, beynəlxalq aləmin diqqət mərkəzində olan güclü, müstəqil və nüfuzlu dövlətə çevrilmişdir. İlham Əliyevin fəaliyyəti dövlətçilik, milli maraqlar, sosial ədalət və xalq–iqtidar birliyi prinsipləri üzərində qurulmuşdur.

Prezident İlham Əliyev Ulu Öndər Heydər Əliyevin siyasi kursunun layiqli davamçısı kimi Azərbaycanın dövlət müstəqilliyini möhkəmləndirmiş, ölkənin hərtərəfli inkişafını təmin etmişdir. Onun rəhbərliyi dövründə Azərbaycan iqtisadiyyatında davamlı artım qeydə alınmış, qeyri-neft sektoru inkişaf etmiş, infrastruktur layihələri həyata keçirilmiş, regionların sosial-iqtisadi inkişafı prioritet istiqamətə çevrilmişdir. Yeni yollar, körpülər, məktəblər, xəstəxanalar, sosial obyektlər xalqın rifahının yüksəlməsinə xidmət etmişdir.

Cənab İlham Əliyevin siyasi fəaliyyətində ən mühüm məqamlardan biri güclü ordu quruculuğudur. O, Ali Baş Komandan kimi Azərbaycan Silahlı Qüvvələrinin maddi-texniki bazasının möhkəmləndirilməsinə, peşəkar kadr potensialının formalaşdırılmasına xüsusi diqqət yetirmişdir. Məhz bu məqsədyönlü siyasətin nəticəsi olaraq 2020-ci ildə Azərbaycan Ordusu 44 günlük Vətən müharibəsində tarixi Zəfərə imza atdı. İşğal altında olan torpaqlarımız azad edildi, ərazi bütövlüyümüz və suverenliyimiz bərpa olundu. Bu Qələbə Azərbaycan xalqının birliyinin, ordumuzun gücünün və Ali Baş Komandanın sarsılmaz iradəsinin təntənəsi oldu.

Prezident İlham Əliyev yalnız müharibə dövründə deyil, sülh və quruculuq mərhələsində də prinsipial və qətiyyətli mövqe nümayiş etdirir. Azad edilmiş ərazilərdə aparılan genişmiqyaslı bərpa və yenidənqurma işləri bunun bariz nümunəsidir. Qarabağ və Şərqi Zəngəzur bu gün yenidən dirçəlir, “ağıllı şəhər” və “ağıllı kənd” layihələri həyata keçirilir, keçmiş məcburi köçkünlərin doğma yurdlarına qayıdışı təmin olunur. Bu proses Prezidentin “Biz bu torpaqlara həyat qaytaracağıq” sözlərinin əməli təsdiqidir.

Dövlət başçısı sosial siyasəti də daim diqqət mərkəzində saxlayır. Şəhid ailələri, qazilər, müharibə veteranları Prezident İlham Əliyevin xüsusi qayğısı ilə əhatə olunub. Onların sosial müdafiəsinin gücləndirilməsi, mənzil və məşğulluq məsələlərinin həlli dövlət siyasətinin prioritet istiqamətlərindəndir. Bu yanaşma Prezidentin humanist, xalqına bağlı lider obrazını daha da möhkəmləndirir.

Prezident İlham Əliyevin xarici siyasəti balanslı, milli maraqlara əsaslanan və prinsipial xarakter daşıyır. Azərbaycan beynəlxalq arenada etibarlı tərəfdaş kimi tanınır, sözünə və mövqeyinə hörmətlə yanaşılır. Ölkəmizin BMT, Qoşulmama Hərəkatı və digər beynəlxalq platformalarda artan nüfuzu məhz Prezidentin uğurlu diplomatik fəaliyyətinin nəticəsidir.

Bu gün Azərbaycan güclü liderin rəhbərliyi ilə gələcəyə inamla addımlayır. Dövlətçilik ənənələri möhkəmlənir, milli birlik daha da güclənir, xalq öz Prezidentinə güvənir. İlham Əliyev müasir Azərbaycanın tarixində yalnız dövlət başçısı deyil, həm də milli qürur, qələbə və inkişaf simvolu kimi öz adını əbədi yazdırmışdır.

Hörmətli cənab Prezident,
Sizi doğum gününüz münasibətilə səmimi-qəlbdən təbrik edir, Sizə möhkəm cansağlığı, uzun ömür, ali dövləti fəaliyyətinizdə yeni-yeni uğurlar arzulayırıq. Azərbaycan xalqı Sizin rəhbərliyinizlə qazandığı tarixi Zəfər və davamlı inkişaf yoluna görə Sizə dərin minnətdarlıq duyur. Qoy Ulu Tanrı Sizi daim qorusun, müstəqil Azərbaycan Sizin rəhbərliyinizlə daha böyük zirvələr fəth etsin!

Eyni zamanda, 31 dekabr – Dünya Azərbaycanlılarının Həmrəyliyi Günü münasibətilə cənab Prezident İlham Əliyevi və dünyanın müxtəlif ölkələrində yaşayan bütün soydaşlarımızı ürəkdən təbrik edirik. Bu əlamətdar gün azərbaycançılıq ideologiyasının, milli birliyimizin və həmrəyliyimizin rəmzidir. Məhz cənab Prezidentin uğurlu və məqsədyönlü siyasəti nəticəsində bu gün dünya azərbaycanlıları vahid amal ətrafında daha sıx birləşmiş, müstəqil və qalib Azərbaycanın gücünü və nüfuzunu fəxrlə təbliğ edirlər. Arzu edirik ki, milli birliyimiz daim möhkəm olsun, Azərbaycan dövləti və xalqı hər zaman sülh, əmin-amanlıq və inkişaf içində yaşasın.

Eldar müəllim

Vətənpərvər iş adamı