PRAYK sürətlə böyüyür - Kamran Aydınov qadınların təhlükəsizliyini və rəqəmsal mədəniyyəti mərkəzə çevirir

Son həftələrdə PRAYK platformasında istifadəçi artımı rekord həddə çatıb. Xüsusilə qadın istifadəçilərin sayında ciddi yüksəliş müşahidə olunub. Ekspertlər bunu platformanın təhlükəsizlik siyasəti, gizlilik prinsipləri və sosial məsuliyyət yanaşması ilə əlaqələndiriblər.

Layihənin yaradıcısı Kamran Aydınov bildirir:

“Bizim məqsədimiz insanlara sadəcə elan xidməti təqdim etmək deyil. Biz təhlükəsiz, mədəni və faydalı rəqəmsal mühit yaradırıq. Qadınlara qarşı hər cür təzyiq və təhdidə sıfır tolerantlıq prinsipi ilə yanaşırıq.”

1xeber.media xəbər verir ki, hazırda PRAYK komandası yeni AI müdafiə agenti üzərində işləyir. Sistem platformadakı davranışları analiz edərək, elanlara maraq göstərmədən ardıcıl şəkildə qadın hesabları ilə əlaqə yaratmağa çalışan istifadəçiləri müəyyən edəcək. Süni intellekt yalnız qadın istifadəçilərə belə hallarda mümkün niyyət barədə xəbərdarlıq göndərəcək. Qeyd edək ki, bu funksiya yalnız qadınların təhlükəsizliyi üçün nəzərdə tutulub və kişi istifadəçilər üçün aktiv edilməyəcək.

Xatırladaq ki, dünən Prezident İlham Əliyev Milli Elmlər Akademiyasının 80 illiyi münasibətilə çıxışında süni intellektin müasir dünyanın əsas istiqaməti olduğunu vurğuladı. PRAYK layihəsinin müəllifi Kamran Aydınov isə hələ 2017-ci ildən bu istiqamətdə öz layihəsi üzərində çalışır.

Eyni zamanda, insanlar PRAYK vasitəsilə illərlə istifadə olunmayan şəxsi əşyalarını satışa çıxarır, beləliklə evlərində yer açır və lazımsız əşyaları iqtisadi dövriyyəyə qaytarırlar.

Platforma həmçinin kiçik və orta biznesləri dəstəkləyir, sahibkarlara öz məhsullarını daha geniş auditoriyaya tanıtmaq imkanı yaradır. PRAYK-ın məqsədi yaxın illərdə Azərbaycanın №1 sosial şəbəkəsinə çevrilməkdir.

Bu yenilik və yanaşma PRAYK-ı regionda qadınlara qarşı rəqəmsal zorakılığa qarşı real addım atan və sosial dəyər yaradan ilk platformaya çevirir.