Ağdaş şəhər 4 nömrəli uşaq bağçasında “Payız möcüzələri” adlı möhtəşəm tədbir keçirilib.
MEHMAN QƏHRƏMANOVA AĞIR İTKİ ÜZ VERİB – ƏMİSİ MİRİD QƏHRƏMANOV VƏFAT EDİB. ALLAH RƏHMƏT ELƏSİN!
Yeni Azərbaycan Partiyası - Dünənin tarixi zərurətindən sabahın güclü Azərbaycanına doğru
KOTANAXR KƏNDİNİN TANINMIŞ SİMASI ƏLİ QARAKİŞİ OĞLUNUN ƏZİZ XATİRƏSİNƏ DƏRİN HÖRMƏTLƏ BAŞSAĞLIĞI
VƏKİLLİK İNSTİTUTU HÜQUQİ DÖVLƏTİN SÜTUNUDUR: PEŞƏ NÜFUZU, ƏDALƏT VƏ İNSAN HÜQUQLARI ETİBARI QORUNMALIDIR!
"YAP-ın yaranması ölkənin siyasi gələcəyinə hesablanmış qərar idi" - DEPUTAT DANIŞDI
İLHAMƏ ABDULLAYEVA – TƏHSİL SAHƏSİNDƏ TOPLADIĞI ZƏNGİN TƏCRÜBƏ, PEŞƏKARLIQ VƏ MƏSULİYYƏTİ İLƏ YENİ MƏRHƏLƏYƏ DOĞRU!
Azərbaycan–Vyetnam münasibətlərində yeni mərhələ: strateji tərəfdaşlığın real iqtisadi nəticələrə çevrilməsi
“Prezidentin Vyetnama səfəri siyasi kursun möhkəmləndirilməsində əlamətdar mərhələdir”
“Ağ pələng”in izi ilə - Prezident İlham Əliyev 43 illik siyasi irsə yeni məzmun qazandırır
4 saylı Magistral avtomobil yollarının istismarı MMC Müşfiq qəsəbəsində yol və infrastruktur problemlərinin həlli istiqamətində mühüm işlər görür
“Kibermühitdə bu günün şifrəli sirr tarixçəsi sabahın açıq kitabıdır” - DTX-nin rəis müavini
ŞAİR, TƏRCÜMƏÇİ FİKRƏT KAZIM - 65
Dünən təkcə payızın ən gözəl günlərindən biri deyil, həm də Azərbaycan ədəbiyyatının və tərcüməçilik sahəsinin dəyərli siması, hörmətli şair və tərcüməçi Fikrət Kazımın doğum günü idi. Bu münasibətlə Yazıçılar Birliyinin “Natəvan” zalında onun 65 illiyinə həsr olunmuş tədbir keçirildi.
Tədbir həm doğum gününün, həm də yaradıcılıq yolunun bir növ təntənəsi oldu. Mən də çıxışçı olaraq şair dostumu təbrik etdim. Fikrət Kazım həm ixtisasca hüquqşünas kimi böyük peşəkarlıq nümayiş etdirmiş, həm də sözün sehrini və poetik ruhunu insanlara çatdırmaqda xüsusi istedada malikdir.
Yubiley tədbirinin xüsusi anlarından biri Fikrət Kazımın iki yeni kitabının təqdimatı oldu. Bu nəşrlər onun zəngin yaradıcılığının daha bir təcəssümü, sözün qüdrətinə və bədii fikrin inkişafına olan sədaqətinin göstəricisidir. Kitablar həm şeirsevərlərin, həm də ədəbiyyat tənqidçilərinin böyük marağına səbəb oldu və tədbir iştirakçıları tərəfindən yüksək qiymətləndirildi.
Belə mərasimlər, sözün və sənətin bir araya gəldiyi anlar, həm də dostluğun, həmrəyliyin, ruhun və yaradıcılığın gücünü bir daha ortaya qoyur. Fikrət Kazımın yaradıcılığı öz dərinliyi, insanpərvərliyi və bədii zənginliyi ilə seçilir. Onun sözləri dillər arasında körpü kimi çıxış edir, duyğuların sərhədlərini aşaraq, oxucuları fərqli dünyalara aparır. Onu da qeyd edim ki, Fikrət müəllim mənim də bir neçə şeirimi rus dilinə tərcümə edib. Rusdili oxucuların fikrincə tərcümə olduqca dolğun və oxunaqlıdir.
65 il - zəngin həyat yolu, böyük yaradıcılıq potensialı və sadiq dostluq deməkdir. İnanıram ki, Fikrət Kazım qarşıdakı illərdə də yeni əsərləri, tərcümələri və uğurları ilə ədəbiyyatımıza dəyər qatmağa davam edəcək. Bu tədbir onun həyatının və sənətinin yeni mərhələsinin başlanğıcı kimi yadda qalacaq.
Şairlər bir ömür eşq sərxoşları,
İlham pərisinin hüsnündən xumar.
Könlü misra-misra söz naxışları,
Başına hər vədə çəkiıməz tumar.
Şairlər əlləsit yer-göy üzündə,
Könlünü oxşayan sözlə ovunur.
Düzünü söyləyir, qalsa da düzdə...
Özünün odunda sözü qovurur.
Fikrət Kazımın söz dünyasına səyahət etmək, onun şeirlərindəki incəlikləri duymaq hər birimiz üçün böyük bir xoşbəxtlikdir. Onun yaradıcılığı həyatımıza işıq və ilham gətirir. Dəyərli aydınımızı, şair dostumuzu ömür təqviminin 65 illiyi münasibətilə uğurlar diləyilə bir daha təbrik edirəm! Yol gedənindir, deyib müdriklrimiz, yola davam!..
Hər nəyin, hər nəyin zirvəsi varsa,
Ömrün yaş zirvəsi bəlkə də, yoxdu.
Ömrün bahar, payız cilvəsi varsa,
Ürəkdə çağlayan arzular çoxdu...
Tapdıq ƏLİBƏYLİ


























































