Peşəkarlığın və İnsanlığın Nümunəsi – Taleh Məmmədovun doğum günü münasibətilə

Bu gün “Shirvan OC Ltd” Şirkəti Həmkarlar İttifaqı Komitəsinin sədri, peşəkar fəaliyyəti, yüksək insani keyfiyyətləri və nümunəvi həyat tərzi ilə hər kəsin dərin hörmətini qazanmış Taleh Məmmədovun doğum günüdür. Taleh müəllimin 47 yaşı tamam olur. Bu münasibətlə “Xezertv.info” redaksiyasının kollektivi onu səmimi qəlbdən təbrik edir, uzun ömür, möhkəm cansağlığı, ailə səadəti və iş fəaliyyətində yeni-yeni uğurlar arzulayır.

Taleh Məmmədov illər boyu gördüyü işlərlə sübut edib ki, vəzifə yalnız səlahiyyət deyil, eyni zamanda böyük məsuliyyət və vicdan məsələsidir. O, çalışdığı kollektivdə daim ədalətli, prinsipial və eyni zamanda qayğıkeş münasibəti ilə seçilib. İşçilərin sosial rifahına, əmək münasibətlərində səmimiyyət və şəffaflığa hər zaman önəm verən Taleh müəllim, həmkarlar təşkilatının mahiyyətini real fəaliyyəti ilə göstərən nadir insanlardandır. Taleh Məmmədov ölkə başçısı Müzəffər Ali Baş Komandan, Prezident cənab İlham Əliyevin uğurlu siyasətini daima dəstəkləyir. O, rəhbərlik etdiyi Həmkarlar İttifaqı Komitəsində hər bir əməkdaşın hüquqlarının qorunmasına, onların sosial müdafiəsinin təmin olunmasına xüsusi diqqət ayırır. Taleh Məmmədov üçün insan amili hər şeydən öndə gəlir. Onun əsas məqsədi həm iş yerində sağlam mühitin qorunması, həm də əməkdaşların maddi və mənəvi rifahının yaxşılaşdırılmasıdır.

Taleh müəllim yalnız işgüzar keyfiyyətləri ilə deyil, həm də yüksək mənəviyyatı, səmimiliyi və insana olan hörməti ilə tanınır. O, hər kəslə ünsiyyətdə sadə və təvazökar davranışı ilə insanlara doğmalıq hissi bəxş edir. Məhz bu keyfiyyətlərinə görə o, kollektivdə dərin hörmət və nüfuz sahibidir.

“Shirvan OC Ltd” şirkətində onun rəhbərliyi ilə həmkarlar hərəkatı yeni bir mərhələyə qədəm qoyub. Taleh Məmmədov işçilərin sosial təminatının gücləndirilməsi, əmək şəraitinin yaxşılaşdırılması, eləcə də xeyriyyə və sosial dəstək layihələrinin həyata keçirilməsində böyük təşəbbüskarlıq göstərib. O, şəhid ailələrinə, qazilərə, aztəminatlı ailələrə göstərilən yardımlarda daima ön sıralarda olub, dövlətçilik və vətənpərvərlik mövqeyini hər addımında nümayiş etdirib.

Taleh müəllim bu illər ərzində qazandığı bütün uğurlara baxmayaraq, təvazökarlığını qoruyub saxlayıb. O, uğurunu yalnız şəxsi səylərinin deyil, həm də kollektiv ruhunun və birliyin nəticəsi kimi qiymətləndirir. Bu da onun böyüklüyünün göstəricisidir.

Bu əlamətdar gündə “Xezertv.info” redaksiyasının kollektivi dəyərli dostumuz, peşəkar həmkarımız, insanlıq və vicdan simvolu Taleh Məmmədovu doğum günü münasibətilə bir daha təbrik edir. Biz inanırıq ki, Taleh müəllimin gərgin, lakin şərəfli əməyinin bəhrələri gələcək illərdə də davam edəcək, o, həmkarlarının və dostlarının qəlbində dərin hörmətlə anılmağa davam edəcək.

Ad gününüz mübarək, Taleh müəllim!
Yeni yaşınız Sizə sağlamlıq, ailə səadəti və fəaliyyətinizdə daha böyük uğurlar gətirsin!

Fərid Faiqoğlu

Xezertv.info-nun rəhbəri

“Qızıl Qələm” mükafatçısı

“Azərbaycan Jurnalistlər Birliyi”nin üzvü

Azərbaycan Vətən Müharibəsi Veteranları İB-nin fəxri üzvü

Qayğıya Ehtiyacı və Əlilliyi Olan Şəxslərə Dəstək İB-nin mətbuat katibi